GALURA -Skuad Persib nu dianggap kasawelasan legendaris Persib atawa Persib Legend, sarta dijulukan The Dream Team teh nu makalangan dina Kompetisi Perserikatan jeung dina Liga Indonesia (Ligina) I
Dina Ligina munggaran, taun 1994/1995, kompetisi nu ngahijikeun Perserikatan jeung Galatama, Persib jadi juara. Dina Kompetisi Persirakatan 1993/1994, juarana Persib. Persib noron dua kali jaura. Nu matak dijulakan The Dream Team, nu saterusna disebut Persib Legend.
Persib Legend nu The Dream Team teh dina Ligina I di final meruhkeun Petrokimia Putra, 1-0. Anu ngagolkeunana Sutiono Lamso, menit ka-78. Ari dina Kompetisi Perserikatan taun 1993/1994, di final nyieuhkeun PSM Ujungpandang.
Baca Juga: Persib Bandung Kudu Nguniang Hudang Deui, DAVID DA SILVA : Sing Yakin kana Kamampuh !
Persib nu juara Ligina I jeung juara Kompetisi Perserikatan dijadikeun legenda teh lantaran prestasina jeung kualitasna tacan aya nu mapakan deui. Tepi ka danget ieu pisan.
Leuwih-leuwih, kasawelasan Persib taun 1993/1994 jeung 1994/1995 taya saurang oge pamaen asing, kabeh lokal. Malah loba nu holna ti kampung manyang-munyung.
Indra Tohir nu jadi pelatihna mampu mecut pamaen Persib sangkan sumangetna ngagedur. Mun Persib keur makalangan, Indra Tohir ngaluarkeun intruksina teh make basa Sunda.
Ku Robby Darwis, Yusuf Bachtiar, Kekey Zakaria, Sutiono Lamso, jeung nu sejenna, dina Ligina I, Persib tim anu produktif pisan.
Baca Juga: Parurugi Tanah Warga Kasabet Bendungan Sadawarna Sumedang Ngagantung Keneh?
Dina puteran munggaran jeung dina puteran kadua, tina 32 tanding, Persib ngaleksi gul 54, kaasupan ukur 15 gol. Di antara tim nu milu makalangan, Persib pangsaeutikna kaasupan.
Dina lebah produktivitas gul, Sutiono tepi ka ayeuna tacan aya pamaean Persib nu bisa nyaruaan, komo nu ngaleuwihan prestasina mah.
Dina Ligina I, Sutiono ngasupkeun 21 gul, hiji di antarana di final. Sutiono oge tepi ka danget ieu hiji-hijina pamaen Persib nu mampu ngasupnkeun gul di final (1990, 1994, 1995).
Tim Persib di Ligina mungaran (1994/1995): Drs H Matin Burhan (Manager), Indra M Thohir (Pelatih); Djadjang Nurjaman, Emen Suwarman (Asisten Pelatih).
Pamaenna: Aris Rinaldi, Anwar Sanusi, Samai Setiadi, Yohannes Gatot Prasetyo (GK), Nandang Kurnaedi, Dede Iskandar, Robby Darwis, Roy Darwis, Mulyana, Yadi Mulyadi.
Nunung Mulyadi, Dudi Subandi, Hendra Komara, Nana Supriatna, Dadang Hidayat, Asep Sumantri, Yudi Guntara, Yusuf Bachtiar, Yaya Sunarya, Asep Kustiana, Sutiono Lamso, Asep Dayat, Asep Poni, Kekey Zakaria, Tatang Suryana, jeung Dadang Kurnia.***