Network
GALURA – Kabupaten Bandung resmi miboga Pengurus Cabang Persatuan Olahraga Roundnet Seluruh Indonesia (Pengcab Porsi).
Pengcab Porsi Kabupaten Bandung ge minangka pengcab roundnet munggaran di Indonesia.
Resmina di Kabupaten Bandung ngadeg Pengcab Porsi nu mayungan roundnet teh ku ayana SK No. 002/SKEP/PENGCAB-PORSI/II/2023.
Baca Juga: Sababaraha Toko Legendaris di Kota Bandung, Boga Ajen Sajarah tur Numuwuhkeun Akulturasi Budaya
Eta SK diteken tur dipasrahkeun langsung ku Ketua Umum PB Porsi Genta Fajar di Sekretariat Pengcab Porsi Kabupaten Bandung, Jl Raya Soreang Banjaran, Cangkuang, Kabupaten Bandung, Saptu, 11 Februari 2023.
Ketua Umum Pengcab Porsi Kabupaten Bandung, Lutfi, ngeceskeun, lian ti pamasarahan SK, dina eta kasempetan ge pangurus pengcab diistrenan Ketua Umum PB Porsi.
“Alhamdulillah taun 2023 ieu kalawan resmi geus dibentuk Pengcab Kabupaten Bandung,” pokna.
Baca Juga: Memeh Sidang Vonis Verdy Sambo jeung Putri Candrawathi, Aya Sterilisasi Gegana di PN Jakarta Selatan
Satuluyna Lutfi ngebrehkeun, sababaraha tugas nu kudu geura-geura dilaksanakeun ku pengcab teh antarana wae nyosialisasikeun olahraga roundnet tepi ka sakuliah padesaan di Kabupaten Bandung.
