Network
“Éh, Nunuy? Geus sabaraha bulan éta?”
“Tujuh majeng ka dalapan, Bi ....”
“Kumaha Si Undang geus boga gawé?”
“Nyaéta, Bi ....”
“Warah atuh salaki téh. Piraku teu éra kituh, pamajikan téréh ngajuru, can kénéh boga gawé?”
Si Nunuy teu némbalan.
“Jeung éta, manéh jugrah-jegroh? Batuk, nya?”
Si Nunuy padu ungguek.
“Ka Puskesms atuh da piraning tilu rébu.”
Pikeun kadua kalina Si Nunuy teu némbalan ku ucap.
