Network
“Beda kumaha?” ceuk Aki Jaya.
“Lain somahan beda jeung baturna,” tembal Atus.
“Seukeut tah, rarasaan teh,” ceuk Aki Jaya bari seuri. “Aki sarua nyangka kitu.”
“Moal kitu urang karaton mah,” ceuk Gingin nembrong.
“Karaton ti mana?” ceuk Asmita bari ngalieuk ka Gingin nu leumpang tukangeunana.
“Pajajaran.”
“Naha make los-los ka Kawali?”
“Nya meureun hayang apaleun ka tanah luluhurna. Atawa bisa jadi hayang tumetep di Kawali lantaran di Pajajaran mah keur bangreung,” ceuk Gingin.
“Ngarejat ti Pajajaran, nyah? Piraku ninggalkeun urang Pajajaran nu keur dikepung ku musuh…” ceuk Atus.
“Ari tugas ti raja mah kudu ditohonan, najan upamana hatena teu mikeun kudu ninggalkeun Pajajaran,” ceuk Aki Jaya.*** Nyambung
