Network
Tukang rakit diuk gigireun Aki Jaya dina batu demprak.
“Ti mana daria? Asa karek panggih,” ceuk tukang rakit.
“Kami ti Kawali,” walon Aki Jaya.
“Ambuing jauh temen. Arek ka mana?”
“Hayang nganjang ka luluhur,” tembal Aki Jaya. “Sok diasaan, ngan tiis, geus rada lila,” ceuk Aki Jaya deui bari ngageserkeun kulub ganyol ka hareupeun tukang rakit.
“Karek bieu dahar,” ceuk tukang rakit bari ngareret ka Asmita, Gingin jeung ka Atus. “Karek ayeuna ka dieu,” pokna deui.
“Kami mah ngatilu kalian. Ngan barudak mah karek ayeuna,” tembal Aki Jaya.
“Nganteur caritana mah,” ceuk tukang rakit.
Aki Jaya seuri.
“Moal waka indit ayeuna ka dituna?” ceuk tukang parahu deui.
