Network
GALURA.CO.ID -Ketua Panitia Pemilihan Kecamatan (PPK) Margahayu, Kabupaten Bandung, Tidzar Dzakarulloh ngaku ngarasa ngemplong sabab dina poè katilu, Ahad, 3 Maret 2024, kamari Rekapitulasi Hasil Penghitungan Perolehan Suara di Tingkat Kabupaten Bandung Pemilu 2024 pikeun PPK Kecamatan Margahayu geus rèngsé.
KPU Kabupaten Bandung ngajadwalkeun Rekapitulasi tingkat Kabupatem Bandung rèngsè 3 poè, ngan dina poè ka 4, Senèn, 4 Maret 2024 jam 18.09 masih nyèsakeun 4 Kecamatan deui.
Sakumaha nu ditètèlakeun Ketua KPU Kabupaten Bandung, Syam Zamiat Nursamsy kamari, nu jadi panghalang tèh pasualan administrasi, dienyakeun ogè ku Ketua PPK Margahayu, Tizdar.
"Panghalangna di tingkat KPPS tèh penginputan administrasi, diolah, diinput ku KPPS. Tah, hasil inputan KPPS ieu aya kalana teu sami sareng nu tos diplenokeun, " ceuk Tizdar, Senèn, 4 Maret 2024.
Nu dimaksud panghalang administrasi tèh, ceuk Tizdar, seperti pengisian DPT jumlah lalaki jeung awéwè, jumlah DPTB jeung jumlah DPK. "ieu nu nuju di kroscek supados engkè dipungkas tiasa difinalisasi ahir, " pokna.
Palebah beubeunangan sora mah, ceuk Tizdar teu aya pasualan. "Ukur koreksi di admistrasi, "pokna deui.
Tizdar nyebutkeun, di Margahayu aya 4 desa 1 kelurahan. "Tah, di diinput sèwang-sèwangan ku margi Sirekap tèh jadi alat kerja nu sah di PKPU 5 Taun 2024, Nya PPK Margahayu dna dinten ka-4, ngalakukeun mekanisme koreksi tur dicatet dina Formulir Kejadian Husus/keberatan saksi, " ceuk Tizdar.*** Sopandi
