Network
GALURA.CO.ID -Satgas TMMD ka-119 Kodim 0617/Majalengka rempug gawe jeung BPBD Kabupaten Majalengka, Saptu (2/3/2024) dina palaksanaan kagiatan non fisik ngeunaan bencana alam jeung bencana non alam, tempatna di Blok Wiranyana Desa Cipasung, Kecamatan Lemahsugih, Kabupaten Majalengka.
Tempat kagiatan di Mushala Blok Wiranyana, Desa Cipasung. Anu nepikeun materina: Ade Solihin (Kabid Pencegahan Bencal) jeung Feri (Staf Pudalops BPBD Majalengka) dibarengan ku Pasiter Kodim 0617/Majalengka Kapten Inf Mastam.
Ceuk Dansatgas TMMD Ke-119 Kodim 0617/Majalengka Letkol Inf Dudy Pilianto, S.Pd., M.I.P., ditepikeun ku Pasiter Kodim 0617/Majalengka, Kapten Inf Mastam kagiatan penyuluhan ngeunaan bencana alam jeung non alam, kawilang penting keur ditepikeun ka warga anu aya di lokasi TMMD.
Baca Juga: Satgas TMMD ka-119 jeung Polres Majalengka Ngadadarkeun Bahayana Narkoba jeung Ju
"Hal ieu dilaksankeun margi Desa Cipasung pernahna dataran luhur. Tiasa kajantenan tanah urug sareng caah," ceuk Pasiter Kodim 0617 Majalengka.
Materi elmu pangaweruh kabencaan anu ditepikeun dina eta kagiatan ringkesna: gambaran umum ngeunaan tarekah ngungkulan bencana, bedana bencana alam jeung non alam saperti konflik sosial, katut kumaha mikawanoh bencana.
"Hayu urang tengetan naon bencana teh, naon wae rupa-rupa bencana, konsep kajadian bencana katut panyalagraan ngungkulan bencana, cara nitenan bencana sarta ngirangan resikona," ceuk Kapten Inf Mastam.*** Ayank R Sambara
