GALURA.CO.ID -Investasi di Kabupaten Bandung boh Penanaman Modal dalam Negeri (PMD) boh Penanaman Modal Asing (PMA) ti taun ka taun terus ngarionjat.
Catetan Dinas Penanaman Modal dan Pelayanan Terpadu Satu Pintu (DPMPTSP) Kabupaten Bandung investasi di Kabupaten Bandung ngahontal Rp30,3 triliun tepi ka ahir triwulan IV atawa semester II taun 2023, atawa ngahontal kan targèt Rp 28,7 triliun (100 persen).
Investasi selapanjang taun 2022 Rp29,4 trilyun, tina target Rp 27,8 trilyun, atawa leuwih ti 100 persen tina target. Bupati Bandung Dadang Supriatna nètèlakeun, dirina tewelèh narèkah pikeun terus nyiptakeun iklim investasi nu kondusif, kaasup palebah regulasi keur mère kapadtiqn hukum ka calon investor.
Baca Juga: Kabupaten Bandung Asup Daerah Rawan Bencana, Bupati Nyiapkeun Anggaran BTT Rp 20 Miliar
Ceuk Dadang Supriatna, kaluginaan jeung kaamananan di Kabupaten Bandung lantaran ayana gawè bareng antara Pemkab Bandung, TNI jeung Polri.
"Ngamankeun iklim investasi dina hiji regulasi. Salasawiosna regulasi perkawis Rencana Tata Ruang Wilayah (RTRW) sareng Rencana Detail Tata Ruang (RDTR) Kabupaten Bandung nu danget ayeuna tos rèngsè raperdana, " pokna basa ngaluuhan Festival Zumba di Majalaya, kamari..
Kepala DPMPTSP Kabupaten Bandung, Ben Indra Agusta, nyebutkeun tepi ka ahir taun 2023, realisasi investasi di Kabupaten Bandung tepi ka Rp 30,3 triliun, boh ti PMD boh ti PMA. Realisasi taun 2023 ieu, ceuk Ben masih ngaruoakeun estimasi sabab masih nungguan itungan Laporan Kegiatan Penanaman Modal (LKPM) tepi Januari 2024.
Ben nambahkeun, investasi nu dominan pikeun taun 2023 aya tilu jenis: infrastruktur hususna fasilitas Kereta Cepat Jakarta Bandung di Tegalluar, eksplorasi energi panas bumi katut pariwisata.
Ku kinerja penanaman modal DPMPTSP Kabupaten Bandung pinunjul III dina Penilaian Kinerja Penanaman Modal sajawa Barat ( West Java Investment Award (WJIA) 2023 nu digelar DPMPTSP Jawa Barat di Soreang, Kabupaten Bandung, 19 September 2023.*** Sopandi