Network
GALURA.CO.ID -SD Negeri Baturengat 01 Desa Cigendewah Hilir, Kecamatan Margaasih, Kabupaten Bandung kacaahan. Ratusan buku ruksak jeung sababaraha rohangan pinuh ku leutak.
Kajadian caah tèh kaburitnakeun, Salasa, 5 Desember 2023, balukar tanggul Walungan Baturengat nu teu jauh ti sakola jebol, teu kuateun nahan cai nu mudal satutas hujan ayer-ayeran ti beurang kènèh.
Sajaba SD Negeri Barurengat 01, sababaraha imah oge kacaahan. Anggota DPRD Kabuoaten Bandung, Uya Mulyana nyebutkeun, di Cigondewah Hilir samèmèhna arang langka kajadian banjir nu pohara.
Baca Juga: Menteri Pertanian Leuleutakan Tandur di Lahan Sawah di Kutawaringin Kabupaten Bandung
Saprak loba perumahan nu ngalantarakeun alih fungsi lahan teu bisa disingkat deui ayeuna saban hujan kajadian caah. Cacak hujanna tacan mindeng, komo engke dina puncak usum hujan.
"Nu nyababkeun banjir kamari di Cigondewah Hilir, kahijina mah jebolna tanggul di lembur Baturengat sareng teu ayana serepan cai, margi lahan serang tos janten perumahan. Salasawiosna: Perumahan Taman Rahayu, " ceuk Uya, Rebo 6 Desember 2023.
Uya apal pisan ka wewengkon Cigondewah Hilir da puguh Margaasih teh lemburna. Ku kituna inyana miharep ka Balai Besar Wilayah Sungai (BBWS) Citarum sangka malire walungan nu aya di Margaasih nu geus hareureut tur darèèt.
Uya oge miharep sagancangna tanggul nu jebol di Cigondewah hilir dibenerkeun sabah lamun teu kitu sakola jeung lembur sabudeureunnana kabanjiran terus. *** Sopandi
