Network
GALURA.CO.ID -Menteri Pertanian RI Andi Amran Sulaiman turu ka sawah dibèlaan leuleutakan tandur di lahan sawah hareupeun Kantor Kecamatan Kutawaringin, Kabupaten Bandung, Rebo, 6 Desember 2023.
Andi dibarengan rèngrèngan Forkopimda Jawa Barat jeung Forkopimda Kabupaten Bandung, nyempetkeun gunem jeung patani nu melak parè babarengan di dinya.
Andi nyebutkeun, kiwari aya kayaan El Nino nu banget. Kaayaan El Nino luyu sakumaha nu dibewarakeub ku BMKG, aya tilu tipe; El Nino biasa, super El Nino, jeung gorila El Nino. Ayeuna aya dina gorila El Nino nu banget kacida.
Baca Juga: Panwascam Margaasih: Masarakat Ulah Sieun Ngalaporkuen Mun Aya Nu Ngarempak Aturan Kampanye
Nu penting, ceuk Andi, kumaha urang satekah polah ngurangan impor taun hareup ku cara ngaronjatkeun produksi lokal. Lamun produksi pare teu dironjatkeun, impor beas bisa undak deui ti taun ayeuna nu 3,5 juta ton.
Ceuk Andi, jalan kaluarna ngagancangkeun melak pare. Di Jawa Barat dina taun 2024 ditargetkeun dihasilkeun 11 juta ton parè. Andi miharep bisa kahontal.
Komo deui, ceuk Andi, danget ayeuna aya tilu bendungan nu geus operasi. Andi nyebutkeun, baheula swasembada pangan jang ngaronjatkeun hasil tatanen.
Kepala Dinas Tanaman Pangan dan Hortikultura Jawa Barat ngusulkeun ka Menteri Pertanian sangkan aya paningkatan irigasi tersier. Nya Menteri Pertanian ngarencanakeun jang nyumponanana.
Tujaun tumorojogna Menteri Pertanian turun ka daerah ceuk Andi pikeun nganyahokeun naon pasualan nu sanghareupan ku para patani tuluy pihak Menteri merè bongbolongan.
