GALURA.CO.ID -Dina Porpemda XV Jawa Barat nu lumangsung di Kabupaten Kuningan, 25-29 November 2023. Kabupaten Ciamis jadi juara ka-2, nyangking Medali Emas 7; Perak 1, jeung; medali Perunggu 9.
Kitu dibewarakeun ku Bupati Ciamias, Herdiat dina biantarana waktu jadi Inspektur Upacara dina mieling HUT ka-52 KORPRI, HUT ka-78 PGRI, jeung Hari Guru Nasional 2023 yang dilaksanakan di pakarangan Pendopo Setda Kabupaten Ciamis, Rebo, 29 November 2023.
Cabang olahraga (cabor) nu atlitna meunang medali emas teh: Terompah Putra, Tenis Meja Ganda Putri, Tenis Meja Beregu Putri, Egrang Beregu Putri, Egrang Perorangan Putri, Biliard 8 Ball Single jeung Bola Voli Putra.
Baca Juga: Ciamis Absen, Binojakrama Padalangan Wayang Golek Purwa di Kabupaten Bandung Hadiahna Rp 90 Juta
Medali Perak ti Cabor Egrang Beregu Putra: Medali Perunggu: Tenis Lapang Beregu, Hadang Beregu Putri, Hadang Beregu Putra, Tenis Lapang Beregu Eksekutif, Egrang Perorangan Putra, Futsal, Sumpitan Beregu Putri jeung Biliar 9 Ball Single.
Bupati Ciamis reueuseun ku prestasi bieu tepi Kabupaten Ciamis juara ka-2 di tingkat Provinsi Jawa Barat. “Ieu jadi motivasi keur urang sangkan terus ngahontal prestasi jeung ngukir prestasi nu leuwih di mangsa ka hareup,” pokna.
Kepala Bidang (Kabid) Olahraga Disbudpora Ciamis, Sigit Ginanjar, ngahaturkeun nuhun ka atlit nu makalangan dina Pekan Olagraga Pemda (Porpemda) XV di Kabupaten Kuningan. Ku prestasi atlit nu sakabehna ASN, P3K, Kabupaten Ciamis bisa nyangking juara ka-2.
“Alhamdulilah Kabupaten Ciamis juara 2 dina Popemda XV di Kabupaten Kuningan,” pokna. Disbudpora Ciamis, ceuk Sigit, bakal terusn ngagembleng atlit ASN jeung P3K sangkan dina Porpemda engka Kabupaten Ciamis bisa jadi juara juara umum.***