Network
GALURA.CO.ID -Pamarentah Kabupaten Majalengka, palebah dieu Dinas Komunikasi dan Informatika (Diskominfo) nampa layang pangajen ti Kementerian Komunikasi dan Informatika (Kominfo) Republik Indonesia, dina ajang Festival TIK (Teknologi Informasi Komunikasi) 2023, nu digelar di Kota Semarang, Jawa Tengah, 27 - 28 Oktober 2023.
Festival TIK taun 2023 digelar ku Relawan TIK Indonesia jadi salasahiji tarekah ti Kementrian Kominfo) dina ngaronjatkeun Indeks Literasi Digital.
Acara pembukaan nu diluuhan ku Kementrian Kominfo kalayan jejerna: " Manunggaling Kawula Digital " jadi refleksi program Literasi Digital tur ngangkat jejer spesifik kadaerahan.
Baca Juga: Jumat Berkah, Koramil Jajaran Kodim 0617 Majalengka Ngabagikeun Sangu
Kepala Dinas Komunikasi dan Informatika (Diskominfo) Kabupaten Majalengka H. Gatot Sulaeman, AP, MSi., nu ngaluuhan dina acara eta nyebutkeun eta pangajen teh bukti komitmen jeung rempug gawe lintas sektor nu geus dilaksanakeun.
Lian ti eta mampuh direalisasikeun luyu jeung program katut arah pangwangunan widang TIK di Kabupaten Majalengka.
"Alhamdulillah kiwari Kabupaten Majalengka nyangking apresiasi pangajen Mitra Kolaboratif Daerah ti 20 instansi sa-Indonesia. RTIK Award dipasrahkeun langsung ku Ketua Umum Relawan TIK Indonesia, Bapa Fajar Eri Dianto," ceuk Gatot.
"Kolaborasi dina kamotekaran teknologi informasi, tangtosna diperyogikeun salaku tarekah percepatan transformasi digital," ceuk Kadis Kominfo.
Baca Juga: Mieling Hari Sumpah Pemuda Ka-95, Kodim 0617 Majalengka Gelar Upacara Bendera
