Network
GALURA.CO.ID -Kasdim 0617 Majalengka Mayor Inf Yayat Nurhidayat jadi Inspektur Upacara dina upacara mieling Hari Sumpah Pemuda ka-95 taun 2023 nu digelar di lapangan Upacara Makodim 0617 Majalengka, Jalaln KH Abdul Halim No. 403 Kelurahan Tonjong Kecamatan Majalengka Kabupaten Majalengka, Saptu (28/10/2023)
Hari Sumpah Pemuda ka-95 taun 2023 jejerna: "Bersama Majukan Indonesia". Ieu jejer ngandung maksud ngabentuk stilasi barisan individu nu nyimbulkeun kolaborasi tur rupa-rupa kelir nembongkeun keanekaragaman suku, bahasa jeung budaya. Heterogenitas sumber kakuatan dina ngamajukeun Indonesia.
Sumpah Pemuda umajak urang sakumna pikeun ngajaga persatuan jeung kesatuan bangsa. Dina jaman demokrasi, kiwari leuwih relevan pikeun ngajaga stabilitas nagara.
Baca Juga: Keur Nyinglar KKN Disdik Kabupaten Majalengka Nerapkeun Pusat Pelayanan Terpadu
Kasdim 0617 Majalengka Mayor Inf Yayat Nurhidayat nyebutkeun, pamuda atawa generasi ngora Indonesia kudu partisipasi dina ngawujudkeun harepan mangsa hareup Indonesia.
"Urang sadayana, pemuda - pemudi Indonesia peryogi ngawasa teknologi jeung informasi sarta literasi digital di jaman kiwari," ceuk Kasdim 0617 Majalengka.
Dipanungtung amanat Mayor Inf Yayat Nurhidayat nadeskeun "Hayu urang jantenkeun mieling Hari Sumpah Pemuda Ka-95 taun 2023 momentum leuwih ngahudangkeun sumanget kolaborasi dina ngamajukeun Negeri".*** Ayank R Sambara
