Network
GALURA-Posyandu miboga peran penting dina mere palayanan kasehatan dasar pikeun masarakat.
Kituna teh tacan sakabeh warga bisa ngamangfaatkeun palayanan dasar kasehatan di posyandu.
Sakapeung warga teu bisa datang ka posyandu, alatan rupa-rupa alesan patali kondisi warga teu bisa datang ka posyandu.
Baca Juga: Posyandu Melati Mandiri Desa Mandirancan, Miboga Lolongkrang Juara Nasional
Salaku kader Posyandu Melati Mandiri Desa/Kecamatan Mandirancan, Kabupaten Kuningan, Ani Yuliani, boga cara anu teu biasa dilakukan ku kader-kader posyandu sejen.
Anu dimaksud cara di dieu, ngait kana sual anu disebut inovasi palayanan kasehatan. Keur Posyandu Melati Mandiri, inovasi teh jadi konci utama dina memeres pasualan kasehatan.
Ku sabab kitu, Posyandu Melati Mandiri nerapkeun inovasi diantarana wae inovasi Kader Dongkap ka Imah (Karomah).
Kader Dongkap ka Imah nyaeta kader-kader nepungan calon panganten ka imahna sewang-sewangan.
Sajaba kitu, kader posyandu ngaloris kasehatan panganten sacara maneuh saban bulan.
"Kagiatanna masihan palayanan kasehatan dasar calon panganten," ceuk Ani Yuliani.
