Network
GALURA- Dina acara pendidikan politik nu digelar Kesatuan Bangsa dan Politik (Kesbangpol Kabupaten Bandung), Kemis (10/8/2023), Bupati Bandung netèlakeun, pendidikan politik mibanda peran kacida penting dina ngaronjatkeun kasadaran jeung daya kritis ngeunaan hak pilih ka pemilih munggaran.
Pamilon dina pendidikan politik nu diayakeun ku Kesbangpol Kabupaten Bandung siswa SMA jeung SMK di Kabupaten Bandung nu tempatna di di Hotel Sutan Raja, Soreang. Bupati Bandung miharep nu aub dina ieu kagiatan mibanda pamahaman Pemilu dan Pilkada serentak taun 2024.
Pendidikan politik, ceuk Bupati Bandung dina biantarana waktu bubuka dina pendidikan politik nu diayakeun ku Kesbangpol Kabupaten Bandung, metode nu cukup efektif keur nyinglar potensi pacengkadan sosial dina kagiatan politik .
Baca Juga: Bupati Bandung: Atikan di Pasantren Bisa Nyitak Pamingpin nu Mibanda Ahlakulkarimah
Ku cara pendidikan politik Bupati Bandung miharep para pamilih munggaran mibanda kacerdasan politik kalawan mibanda ajen budaya jeung etika pulitik nu cukup teoi ka teu jadi obyek dina pemilu.
Bupati Bandung miharep ieu kagiatanu bisa nambahan luang, daya analisa kana fenomena kahirupan pulitik masarakat nu demokratis nu minangka proses keur ngaronjatkeun peran serta masarakat.*** Sopandi
