Network
GALURA- Sat Narkoba Polres Kuningan nyangkalak dua palaku, diduga geus nyalahgunakeun obat-obatan mangrupa sabu-sabu.
Dua palaku inisial M.H.R, urang wewengkon Kecamatan Cimahi jeung U.P urang wewengkon Kecamatan Kramatmulya, dicangkalak pulisi sanggeus katohian neundeun Narkotika jeung sabu-sabu di imahna sewang-sewangan.
Kepala Kepolisian Resort (Kapolres) Kuningan, Ajun Komisaris Besar Polisi (AKBP), Willy Andrian, nyebutkeun pihakna ngamankeun palaku jeung barang bukti mangrupa rebuan pel atawa obat narkotika jeung barang bukti sejenna.
Baca Juga: Di Kuningan, Dua Budak Aya Anu Ngagadabah, Hiji Diantarana ku Bapa Terena
Barang bukti ti palaku M.H.R diantarana 738 pel diduga jenis tramadol HCI, 333 pel atawa obat diduga jenis Trihexyphenidil, 2.320 pel jenis Heximer jeung duit Rp 578 rebu diduga hasil ngajual obat-obatan
Sajaba ti eta barag bukti mangrupa telepon seluler, kardus, dompet sapedah motor jeung STNK (Surat Tanda Nomor Kendaraan).
Ari barang bukti meunang nyiita ti U.P, mangrupa 13 paket narkotika jenis sabu-sabu beuratna 8,36 gram, sapaket narkotika jenis ganja, 5 paket sabu-sabu, sapedah motor, telepon seluler, timbangan digital, sapedah motor jeung barang bukti sejenna deui.
Ceuk Willy, tersangka M.H. R ngarempak Pasal 197 jo Pasal 196 Undang-Undang Nomor 36 taun 2009 ngeunaan kasehatan.
Ari tersangka U.P ngalanggar Pasal 114 ayat (2) jo Pasal 112 ayat (2) Undang-Undang RI nomer 35 taun 2009 ngeunaan narkotika.
“Dua tersangka dicangkalak di wewengkon Kabupaten Kuningan. Kiwari masih proses penyidikan kapulisian,” ceuk Willy, basa Konferensii Pers, di Mapolres Kuningan, Rebo 7/5/2023).***
