Network
GALURA - Hiji pamaen Persib asal Brasil, David da Silva umajak ka sakur ponggawa Maung Bandung pikeun nguniang hudang deui.
David da Silva oge ngayakinkeun ka sakabeh pamaen yen Persib Bandung boga kamampuh jeung kabisa pikeun hudang deui.
Eta teh ditembrakkeun David da Silva sabada Persib eleh ku PSM Makassar 1-2 dina laga minggu ka 24 Liga 1 2022/2023 di Stadion Pakansari, Cibinong, Kabupaten Bogor, Salasa nu anyar kaliwat.
Baca Juga: Cek Luils Milla Persib Rek Dievaluasi Malar Mangprang Nalika Tandang dina 11 Laga nu Bakal Datang
Baca Juga: Direktur PT PERSIB Bandung Bermartabat (PT PBB), Teddy Tjahjono : Kualitas Wasit kudu Dironjatkeun
Baca Juga: Persib vs PSM Makassar, Nu Meunang Nerekel ka Puncak Klasemen, Link Live Streaming jeung Kick Off
Dina eta pertandingan, Persib saenyana ngelebetkeun target luhur, ngelehkeun PSM Makassar sangkan nerekel ka puncak klasemen saheulanan.
Ngan abong bal buleud, sabada ngasupkeun hiji, PSM Makassar males sadua-dua, nepi ka Persib tijungkel.
Temahna posisi ka hiji klasemen dieusian ku PSM Makassar. Persib kudu angger aya di posisi tilu di handapeun Persija Jakarta, tapi poin angger 46, ganjor 4 jeung PSM Makassar.
Baca Juga: Dongeng Jurig di Pakampungan Tatar Sunda Ayeuna mah Geus Langka
Rekor teu eleh sajero 15 pertandingan nu dicekel Persib ge antukna locot.
Nurutkeun David da Silva, sakumna pamaen Persib ulah terus-terusan nyoreang ka tukang, ka pertandingan lawan PSM Makassar nu hasilna teu jauh tina sangkaan.
David da Silva ngebrehkeun, urang teu kudu hayang apal kana skenario Allah nepi ka Persib eleh.
Baca Juga: Wayang Golek Diciptakeun ku Sunan Kudus, Populer di Sunda
"Ayeuna mah tinggal sing yakin jeung percaya yen urang boga wewesen. Yu hudang deui," cek manehna.
David da Silva minangka pamaen nu nyumbangkeun poin hiji ka Persib dina laga lawan PSM Makassar. Padahal manehna can sehat pisan sabada katarajang hiji kasakit.
Hanjakalna, sumbangan hiji gul teh teu bisa ngalantarankeun Persib unggul sabab lawan bisa ngasupkeun dua, hasil sepakan Ramadhan Sananta jeung Yance Sayuri di babak kadua.***
