GALURA - Ketak Zein Tour dina ngaping jamaah boh nu munggah haji boh nu umroh teh dibarung ku katulusan.
Minangka salasahiji kagiatan ibadah, Zein Tour teu weleh nekadkeun panglayan sahade-hadena pikeun nu rek munggah haji atawa umroh.
Munggah haji atawa umroh teh tetela ibadah nu perelu tatahar ti anggalna, ku kituna katulusan jadi konci utama Zein Tour salila ieu lagu ngaping jamaah.
Baca Juga: Direktur PT PERSIB Bandung Bermartabat (PT PBB), Teddy Tjahjono : Kualitas Wasit kudu Dironjatkeun
Kalancaran tur kasampurnaan ritual suci munggah haji atawa umroh, eta nu jadi udagan Zein Tour ngaping jamaah minangka tamu Allah SWT luyu jeung ajaran Rasulullah.
Zein Tour teh perenahna di Jalan Raya Cihanjuang, Kampung Karangsari, Desa Cihanjuang, Kacamatan Parongpong, Kabupaten Bandung Barat.
Ieu lembaga perjalanan haji jeung umroh nu geus meh leuwih ti 10 taun ngadeg teh dipupuhuan ku H. Jenal Abidin S.H.I, tur geus meunang akreditasi ti Direktorat Bina Umrah dan Haji Khusus Kemenag RI.
Baca Juga: Dipingpin Kapolres Majalengkla, Rapat Koordinasi Mapag Pemilu 2024, sangkan Luber Jurdil
Dina sabulanna, rata-rata Zein Tour miangkeun 3 kali rombongan jamaah umroh, sarombongan diwengku kira 40 jamaah.
Kalawan didasaran katulusan, prak-prakan ngaping jamaah bari makihikeun suluk 5 Pasti : Pasti Travelnya, Pasti Jadwalnya, Pasti Terbangnya, Pasti Hotelnya, tur Pasti Visanya.
Lian ti umroh reguler, Zein Tour ge ngayakeun umroh husus saperti Umroh Ramadhan, Umroh Nuzulul Qur'an, Umroh Idul Fitri, katut Umroh Syawal.
Baca Juga: Putri Anjungsari (28), Kuda geus Lalempo, Lalampahan Jauh Keneh, Aya nu Mere Tanda ku Haseup
Ngaping jamaah umroh reguler, umroh plus, haji husus, sarta haji husus furoda, dibarengan ku parapembimbing nu mundel ku pangalaman jeung elmuna bab ibadah.
Eta parapembimbing teh teu weleh rancingeus ngaping jamaah, boh ti keur aras-urus kalengkepan dokumen boh manasik, turta sabot ibadah haji atawa umroh di Tanah Suci.
Waktu dikolongan, Rebo 15 Februari 2023, Ustadz H. Syihabudin Mahmud, pangurus Majelis Ulama Indonesia (MUI) Desa Cihanjuang, ngeceskeun, ketak panglayan Zein Tour mungguh numuwuhkeun katumaninahan jamaah nu matak ibadah jadi leuwih husu.
Baca Juga: H. Yanto : Ulah Hariwang Aula Kantor Pemerintah Desa Dipake Reses
"Alhamdulillah, ti mimiti aras-urus dokumen, manasik, akomodasi di Mekah tur Madinah, tug tepi ka palaksanaan ibadah umroh, ketak Zein Tour mungguh karasa kasampurnaanana, ibadah di Tanah Suci jadi bisa leuwih husu," pok H. Syihabudin Mahmud, nu miang umroh ahir bulan November 2022. ***