Network
GALURA.CO.ID -Awal bulan Mulud 1957 taun Jawa atawa Rabiulawal 1445 H dina kalender Masehi taun 2023 meneran poe Ahad, 17 September 2023. Dina tradisi di urang, bulan Mulud mindeng dipake upacara ritual, di antarana dipake jaroh ka makam-makam para wali jeung aulia nu nyebarkeun agama Islam.
Dina bulan Mulud nu dina kalender Islam ngaranna Rabiulawal, makam-makam para wali jeung aulia loba nu ngajarohan. Anu jarohna teh boh sorangan-sorangan, miangna make motor atawa mobil pribadi, boh rombongan make bus pariwisata, ngahaja dicarter pikeun sababaraha poe.
Di antara makam-makam aulia nu gede jasana dina nyebarkeun agama Islam di Nusantara nu dina bulan Mulud beuki loba nu ngajarohan teh makam Mama Rendeh di Rendeh Kabupaten Bandung Barat jeung Makam Syeh Baing Yusuf di Kota Purwakarta.
Baca Juga: Jaroh Tengah Peuting ka Makam Syeh Baing Yusuf, Dibaturan ku Angin Ngahiliwir
Bulan Mulud hayang jaroh ka Makam Mama Rendeh jeung makam Syeh Baing Yusuf sorangan sarta henteu mawa kandaraan pribadi, jeung jarohna ti peuting henteu hese, hususna keur urang Bandung jeung sabudeureunana: miangna dina kareta api commuter line Bandung Raya (385) relasi Cicalengka Purwakarta.
Kareta api commuter line Bandung Raya (385) ti Cicalengka miangna jam 19:55 WIB, sarta eureun di Stasiun Haurpugur, Rancaekek, Cimekar, Gede Bage, Kiaracondong, Cikudapateuh, Bandung, Ciroyom, Cimindi, Gadobangkong, Padalarang, Cilame, Sasaksaat, Maswati, Rendeh, Cikadongdong, Plered, Sukatani, Ciganea, jeung Purwakarta.
Kareta api commuter line Bandung Raya (385) tepi ka Stasiun Rendeh jam 23:18 WIB. Mun kakara jaroh ka makam Mama Rendeh, bisa nanyakeun ka satpam Stasiun Rendeh. Teu jauh, ti Stasiun Rendeh ka makam Mama Rendeh kurang lima menit.
Ti sisi jalan, aya plangna dina gapura asup. Di dinya aya masjid gigireun cungkup makam Mama Rendeh. Memeh jaroh hadena solat heulat tahiatul masjid, solat taubat jeung solat hajat, ngadua jeung tawasulan. Beres eta mah terus jaroh.
Baca Juga: Warung Mang Engkus di Panawangan Ciamis Medalkeun Sarjana UPI Bandung
