Network
GALURA - Hiji koran di Chicago Amerika Serikat, Sun Times dina taun 1991, kungsi ngamuat hiji foto nu matak geunjleung di Amerika Serikat.
Foto nu ditujul nyaeta foto awewe make pakean kabaheulaan keur diuk di luhureun tetengger di parajatan nu katelah Bachelor's Grove.
Nu matak geunjleung, eta foto teh foto jurig nu teu teu kahaja kafoto ku warga nu keur datang ka pajaratan. Tangtu wae samemehna mah, eta warga lain rek moto eta wanoja, tapi moto makam. Samemehna eta wanoja teh teu aya.
Baca Juga: Iblis Jersey, Jurig Kasohor jeung 'Fenomenal' di New Jersey Amerika Serikat
Baca Juga: Carita Jurig dina Sastra Sunda Ditaratas ku Moh Ambri, salasaurang Sastrawan Sunda Klasik
Baca Juga: Carita Jurig dina Sastra Sunda, Ditaratas ku Moh Ambri, Sastrawan Sunda Klasik
Foto awewe nu harita viral teh meunang jujuluk "Madonna of Bachelor's Grove".
Jurigna, cenah, aya patalina jeung legenda "Nyonya Putih", jurig wanoja nu kuburanna aya di eta pajaratan, pagigir-gigir jeung kuburan budakna. Cek legenda, mun keur bulan purnama, "Nyonya Putih" teh sok nembongan bari ngeukeupan orokna.
Tapi, carita soal jurig wanoja make pakean kabaheulaan warna semu bodas teh, lain hiji-hijina carita jurig di makam Bachelor's Grove. Nurutkeun situs ilmiah populer livesciensce, rea keneh carita sejenna.
Baca Juga: Dongeng Jurig di Pakampungan Tatar Sunda Ayeuna mah Geus Langka
Nurutkeun eta sumber, di makam Bachelor's Grove saeutikna aya 100 carita jurig kaasup cahaya aneh jeung carita supernatural sejen nu teu kahontal ku akal jeung kabeneran bisa didokumentasikeun.
Cek eta sumber, dina taun 1950-an, warga kungsi kawenehan mireungeuh imah para patani di sabudeureun pajaratan. Ngan sabada warga ngadeukeutan eta imah, ngagadak ilang teu pupuguh.
Aya oge nu kawenehan ningali jurig kuda jeung patani --nu cenah mangsa hirupna aya nu nelasan di sabudeuran hiji balong, teu jauh ti pajaratan. Sarua eta oge, basa dideukeutan, ngagadak leungit teuing ka mana.
Baca Juga: Wisata Kuliner di Kota Bandung, Iga Bakar Si Jangkung jeung Sate Gulai Kambing HM Harris
Warga sejen, taun 1940-an nu pareng keur mawa kandaraan deukeut pajaratan mangsa peuting kungsi kawenehan ningali mobil jurig gaya "gangster" nu nembongan ngadadak, tapi ngaleungitna oge ngadadak.
"Warga sejen ngaku kungsi nabrak hiji mobil di tikungan jalan. Warga tea ngarasa yen mobilna diadu. Ngan sanggeus mobil eureun, mobilna teu ruksak, jeung mobol nu katabrakna ge leungit," cek livescience.***
