Carita Jurig 'Presiden' di Gedung Putih Amerika Serikat, Nu Manggihanna Oge Presiden

GALURA - Di Gedung Putih Amerika Serikat aya jurig?

Kitu pisan carita nu mekar jeung nyebar di Amerika Serikat; di 1600 Pennsylivania Ave, Washington, DC, Amerika Serikat, imahna para presiden Amerika Serikat, dipercaya aya jurigan.

Jurigna ge lain samanea, tapi para "presiden" nu geus tilar dunya.

Baca Juga: Wisata Kuliner di Kota Bandung, Iga Bakar Si Jangkung jeung Sate Gulai Kambing HM Harris

Carita ngeunaan Gedong Putih dicicingan jurig para "presiden" teh kungsi jadi bahan tulisan situs ilmiah populer dunia, livesciense, sawatara waktu ka tukang.

Duka naon alesan utama eta portal kawentar ngawartekun soal jurig kaasup nu nyicingan Gedung Putih. Ngan nu jelas, eta bahasan teh beuki nguatan nu percaya di Amerika Serikat, yen Gedung Putih dicicingan jurig.

Nurutkeun eta situs, carita ngeunaan jurig di Gedung Putih, mucunghulna timiti John Adams jadi presiden kadua di Amerika Serikat. Ti harita, di eta gedong kabejakeun aya jurig Abigail Adams, pamajikan presiden nu tilar dunya.

Baca Juga: Perkedel Bondon, Batagor Hanjuang Astina jeung Bubur Ayam Bejo Kosambi, Tilu Wisata Kuliner di Bandung

Abigail kabejakeun marakayangan. Remen mucunghul, nembus tembok. Sakapeung nembonganna teh baru seuseihan poeaneun di Rohang Wetan eta gedong.

Ti harita, terus rea carita ngeunaan jurig nu ngondang kapanasaran.

Di eta gedong, saterusna kabejakeun aya jurig presiden katilu Thomas Jefferson, nu mun nembongan sok keur ngulinkeun biola Yellow Oval Room.

Baca Juga: Endog Lewo Kuliner Has Garut, nu Mimiti Nyieunna Haji Amin Urang Kampung Lewo, Sangkan Sampeu Teu Mubadir

Aya oge jurig presiden katujuh Andrew Jackson jeung presiden kasalapan, sarta presiden ka-10, John Tyler. Eta jurig, cenah, ngeusian rohangan beda-beda di Gedung Putih.

Lian ti eta, aya oge jurig nu mirupa Abraham Lincoln, presiden ka 16 Amerika Serikat nu tilar dunya alatan aya nu mateni.

Lincoln, cek eta situs, kabejakeun kungsi nembongan taun 1940, jeung dicaritakeun ku Perdana Menteri Inggris Winston Churchill.

Baca Juga: Burayot atawa Ngaburayot, Kuliner Amis Has Garut nu Wangunna Kawas 'Taeun', Kieu Cara Nyieunna

Cenah, Churchill harita keur jadi semah di Amerika Serikat jeung meuting di Lincoln Bedroom. Basa manehna kaluar ti kamar mandi bari taranjang, manehna pasanggrok pisan jeung jurig Lincoln nu keur nyarande dina hiji rak di eta rohangan.

Mireungeuh eta jurig, Churchill bari jeung sieun ngabageakeun. "Wilujeng wengi, Tuan Presiden," pokna. Dibageakeun kitu, jurig Lincoln seri terus ngaleungit.

Nya harita keneh Churchill menta pindah rohangan keur istirahat ka rohangan sejen.

Baca Juga: Burayot, Kuliner Has Garut Ayeuna 'Ngapung' ka Mancanagara, Lapakna Sumebar di Jawa Barat

Soal jurig Lincoln teh, oge didadarkeu Ratu Wilhelmina ti Walanda taun 1942 nu keur jadi tamu Presiden Amerika Serikat.

Harita, cenah, Ratu Wilhelmina mireungeuh jurig Lincoln keur nangtung hareupeun panto kamar sarena bari make topi jeung mantel. Ratu Wilhelmina ngayekyek kasieunan, nepi ka kapiuhan.

Naha enya? Wallohualam. ***