Network
GALURA -Nia S. Amira Kurnia Suprihatin, lain wanoja jore-jore. Wartawati nu ngambah dunya internasional, prestasina kawilang leubeut. Dina widang sastra jeung budaya, ku pamarentahan Italia, inyana dileler Juara Kahiji Nulis Puisi Grand Prix For Excellence Edisi XXIV, judul karyana, “Antara Kata dan Tak Terhingga”.
Poe Ahad, 10 September 2023, Nia baris narima pangajen nu tempatna di Royal Papal Basilica of San Francesco di Paola, di Piazza del Plebiscito Naples, Italia.
“Alhamdulillah we, teu nyangki abdi baris nampi pangajen tingkat internasional,” ceuk Nia, basa tepung di Cafe Mupu Jeruk, Jalan Setiabudi, Bandung. Dina eta pasanggiri teh, Nia ngelehkeun 60 pamion ti sawatara nagara.
Baca Juga: Hj Baiq Raehanun Ratnasari, SH., MH, di jawa Barat Wanoja Munggaran nu Jadi Kepala Kemenag
Nia, gumelar di Jakarta, 22 September ti kulawarga Bapa Rachim Osman pituin urang Bukittinggi, Sumatra Barat. Baheulana, Osman teh dipikawanoh salasaurang wartawan di LKBN Antara.
Nya, ti umur 13 taun, Nia geus resep nulis, tulisanna ngawengku esai, artikel, carpon, novel jeung sajabana. Beunang disebutkeun, bakat nulisna ngamalir ti nu jadi bapana.
Kokojayan dina widang jurnalis, Nia kungsi cepeng kalungguhan Konsultan Produksi Inter News, Radio Jurnalis Amerika nu sumebar di 38 nagara. Nia nu faseh 14 bahasa asing teh, tulisanana geus ditarjamahkeun jeung dipublikasikeun di 30 media nu medal di Asia, Eropa jeung Amerika.
Tulisan Nia bisa dibaca dina sawatara media cetak jeung media online nu medal di London (UK), media Sarajevo (Bosnia & Herzegovina), New York, Azerbaijan, Rusia katut sawatara kota di mancanagara. Tilu buku karya Nia, geus diterbitkeun ku PWI. Atuh, puisi nu judulna From Indonesia With Love, meunang pangajen ti pamarentahan Rusia.
Baca Juga: Lima Kasus Tindak Pidana Narkotika Diungkab Polres Majalengka Hasil Operasi Antik Lodaya 2023
