Network
Pikeun miara jeung ngarumat titinggal arkeologi di Banten Lama, pamarentah Provinsi Banten ungggal taunna ngaluarkeun waragad milyar, dicokot tina Anggaran Pendapatan dan Belanja Negara (APBN) jeung tina Anggaran Pendapatan dan Belanja Daerah (APBD) Provinsi Banten.
Saenyana geus ti jaman Walanda mula tarekah keur ngabebenah lelewek Banten Lama teh. Ti taun 1915 tepi ka 1930, bangsa Kolonial Belanda teu eureun-eureun ngome Banten Lama. Sanggeus merdeka diteruskeun ku pamerentah pusat, jeung ku pamarentah Propinsi Jawa Barat.
Antara tahun 1977-1987 Pemda Jabar nyusun rarancang dibangunna Taman Arkeologi Banten Lama. Udaganana lelewek Banten Lama teh rek dijieun kawas Borobudur, di Magelang. Paraarkeolog ge teu weleh nyumbang pikiran keur ngembangkeun jeung ngabebenah Banten Lama. Malah geus mindeng ngirimkeun rekomendasina
Pasualan pikeun ngabebenah Banten Lama lain ngan ukur waragad, oge ku lantaran tacan puguh status tanahna. Loba nu ngaku turunan Maulana Hasanuddin, sarta ngarasa boga hak pikeun ngokolakeun lelewek Banten Lama. Lelewek Banten Lama, urut komplek Karaton Surasowan teh bisa dibebenah, malah bisa dijadikeun trade mark Provinsi Banten***
