GALURA - Di Bandung, kungsi ngadeg sakola nu disebut Kweekschool voor Inlandsche Onderwijzern dina taun 1864-1866. Perenahna di jalan Merdeka, Kota Bandung ayeuna.
Nurutkeun sawatara katerangan, Kweekschool voor Inlandsche Onderwijzern ngadeg ku alpukahna K.F. Holle nu harita jadi administratur perkebunan enteh Waspada di Gunung Cikuray, Bayongbong, Garut.
Gedong sakolana kawilang agreng jeung sigrong kalawan nurut gaya arsitektur neo classic. Ieu gaya adegan nu di hareupna aya tihang jarangkung teh, kaasup potongan nu sok dipake ku Walanda.
Baca Juga: Sakola-Sakola nu Ngadeg di Bandung jeung Wewengkon Sejen Mangsa Walanda, Aya HIS jeung MULO
Baca Juga: Wisata Kuliner di Kota Bandung, Iga Bakar Si Jangkung jeung Sate Gulai Kambing HM Harris
Cek sakaol, potongan wangunan model kitu teh ngalambangkeun kakawasaan jeung kabeungharan.
Nurutkeun katerangan, Kweekschool voor Inlandsche Onderwijzern, saenyana minangka sakola kajuruan keur umum.
Ngan dina emprona, ieu sakola teh meunang jujuluk Sakola Raja.
Baca Juga: M. Fadjroel Rahman: Antara Puisi, Kazhakstan, jeung Bandung
Nu matak kitu, lantaran nu sarakolana rereana barudak ti kulawarga raja, kapala negeri atawa kapala suku ti luar Bandung.
Tapi aya oge nu nyebutkeun yen pangna disebut Sakola Raja teh lantaran ngadegna bareng jeung diistrenanna Willem III jadi Raja Walanda.
Eta sababna, pribumi ti kulawarga somah, cenah, raga rumegog asup ka Kweekschool voor Inlandsche Onderwijzern teh.
Baca Juga: Tarekah Rahmat Angkung ti Saung Angklung Mang Udjo sangkan Angklung Diaku Warisan Dunya ku UNESCO
Kweekschool voor Inlandsche Onderwijzern, kiwari ngan ukur baranna.
Najan kitu ari urut sakolana mah aya keneh, nyaeta wangunan nu kungsi dipake Markas Polwiltabes Kota Bandung terus jadi Polrestabes Bandung ayeuna. ***