GALURA-Badan Eksekutif Mahasiswa (BEM) Universitas Kuningan (Uniku) ngayakeun Diskusi Terbuka, jejerna Ciremai Memanggil, di Gedong Student Center Iman Hidayat, Kampus 1 Uniku, Jalan Cut Nyak Dien, Senin, (13/3/2023).
Eta diskusi ngalibetkeun sababaraha kelompok anu raket patalina sual lingkungan. Di antarana wae Mapala Uniku, pencinta alam, Aktivitas Anak Rimba (AKAR).
Diskusi museur kana sual panyadapan geutah pines di kawasan Taman Nasional Gunung Ciremai (TNGC), utamana di sabudeureun Palutungan Desa Cisantana, Kecamatan Ciugugur.
Baca Juga: Tacan Puguh Bule Hideungna, Maman : Geutah Pines di TNGC Ulah Waka Disadap
Ketua BEM Uniku, Viky, tujuanna mah diskusi teh pikeun pamahaman jeung nyebarkeun informasi raket patalina reujeung panyadapan geutah pines di sababaraha lokasi kawasan TNGC.
BEM Uniku, ceuk Viky, tacan bisa nembrakeun sikep panuju teu panuju, lantaran kudu ngayakeun heula kajian sual panyadapan.
Pasualan panyadapan geutah pines di TNGC kiwari keur jadi catur di kalangan penggiat lingkungan.
Baca Juga: Nu Nyadap Geutah Embung Keuna Geutah, Sieun Ngarempak Hukum
Samemehna, ngondang reaksi ti sajumlah pengleola objek wisata di Palutungan.
Patali eta hal, ceuk Viky, dina diskusi terbuka teh, ngondang sababaraha pihak penggiat lingkungan.
Diantarana wae Mapala Uniku, LSM Aktivitas Anak Rimba (AKAR) Kuningan jeung akademisi Uniku.
Baca Juga: Aya Anu Nyadap Geutah Pines di Jalur Pendakian Gunung Ciremai, PPGC Ngarasa Kaganggu
Sejaba eta, BEM Uniku perlu ngayakeun kajian dampak Tina kagiatan panyadapan geutah pines.
“BEM Uniku moal ujug-ujug nembrakeun sikep, bade dikaji heula, ngeunaan awal mula ayana panyadapan di TNGC,"ceuk Viky.