Network
“Di cinyusu sisi walungan,” tembal tukang warung.
“Ku barudak wae,” ceuk Aki Jaya. “Hinisna aya?”
“Keun wae ku jikan kami,” ceuk tukang warung.
Aki Jaya ngareret ka Atus jeung ka Gingin.
“Jung ka dituh, duaan, kumbah lauk,” pokna.
“Padahal mah ku jikan kami wae, da deukeut. Laukna oge teu loba,” ceuk tukang warung.
“Sakalian bari ulin,” tembal Atus bari seuri. “Cik kadieukeun ayakanana, hinisna deuih.”
Tukang warung nyabut hinis dua nu diselapkeun dina palang dana. Geus kitu nyokot ayakan nu eusina tiiran lauk. Hinisna ditunda luhureun lauk. Song dibikeun ka Atus.
“Di mana cinyusuna?” ceuk Atus bari nampanan ayakan.
“Beulah girang. Tuturkeun wae jalan nu dietap,” tembal tukang warung.
