Network
GALURA.CO.ID -Lobana 200 urang warga Desa Pangauban, Kecamatan Katapang, Kabupaten Bandung, aub kana kagiatan donor darah nu digelar di aula Desa Pangauban, Jumaah, 14 Juni 2024.
Camat Katapang, Rahmat Hidayat muji ka warga Desa Pangauban nu milu aub ngadonorkeun darahna. Donor darah ieu gawè bareng Pamarèntah Desa Pangaubam jeung Rumah Sakit Umum Daerah (RSUD) Otto Iskandar Di Nata.
"Donor darah teh program Pa Bupati Bandung dina ngaronjatkeun kasadaran masaraktt kana jiwa sosial. Apanan ieu teh babagi darah kanggo kasaèan, ngabantos nu sanès, " ceuk Rahmat Hidayat nu dibarengan Kepala Desa Pangauban, Enep Rusna Sutiadi dina lolongkrang acara donor darah.
Kegiatan donor darah ngaubkeun 14 tenaga kesehatan (nakes) ti RSUD Otista. "Sajabi babagi kasaèan ka nu meryogikeun getih, donor darah ogè tiasa nyèhatkeu ka nu donorna, ku sirkulasi darah nu kaatur, " ceuk Rahmat.
Dina kasepetan èta ogè , Rahmat milu prihatin jeung bèla sungkawa ka salah sahiji siswa MTs Persis Katapang nu tiwas titeuleum di Pangandaran kamari.
"Ngiring belasungkawa. Mugia kulawargina dipaparin katabahan dareng kasabaran," ceuk Rahmat.*** Sopandi
