Network
GALURA-Jalan Cipari-Cisantana di wewengkon Kecamatan Cigugur, Kabupaten Kuningan, diancokeun pikeun nunjel mekarna pariwisata di sabudeureun Desa Cisantana.
Sajaba ti eta pikeun ngurangan kamacetan di jalan raya Cigugur-Cisantana.
Kepala Dinas Pekerjaan Umum Tata Ruang (PTUR) Kabupaten Kuningan, Putu Bagiasna, nyebutkeun pembangunan jalan Cipari-Cisantana, penting pikeun nunjel mekarna wisata husususna di sabudeureun Desa Cisantana.
Baca Juga: 7000 PJU Rek Dibangun di Kuningan
Putu nyebutkeun, Kabupaten Kuningan teh kaasup daerah wisata. Sektor pariwisata mangrupakeun penyumbang PAD pangbadagna, diharepkeun mampuh nunjel sektor paekonomian di ieu daerah.
Ceuk Putu, jalan Cipari-Cisantana penting numuwuhkeun ekonomi, hususna di kawasan wisata Desa Cisantana.
Fungsi utama-na mah pikeun mekarkeun wisata, nu baris mawa pangaruh kana tumuwuhna ekonomi di Kabupaten Kuningan.
Baca Juga: Kampanyeu di Kuningan, Rokhmat Ardiyan, Ngolongan Kereteg Hate Padagang di Pasar
”Utamana mah kanggo nunjel mekarna wisata di Desa Cisantana. Sajaba ti eta kanggo ngirangan kamacetan di Jalan Cigugur nuju kawasan wisata Desa Cisantana,” ceuk Putu, basa mieling Hari Bakti PU ke-78 dan Aksi Daerah, di Lokasi Jalan Cipari-Cisantana, sabudeureun Desa Cipari, Kecamatan Cigugur, Ahad, 3 Desember 2023.
Jalan lingkar Cipari-Cisantana, ceuk Putu, panjangna 2,2 kilometer jeung rubak 7 meter. Waragad pikeun ngawangun eta jalan tina dana Anggaran Pendapatan Belanja Negara (APBN) ngaliwatan Inpres jalan daerah taun 2023 kurang leuwih Rp23 miliar.
