Sidang Netepkeun Warisan Budaya Takbenda Indonesia 2023, Jawa Barat aya 13 Usulan Minangka WBTb Indonesia

GALURA – Dina taun 2023, aya 777 usulan pikeun ditetepkeun minangka Warisan Budaya Takbenda (WBTb) Indonesia.

Éta 777 usulan pikeun ditetepkeun jadi WBTb Indonesia téh ti 32 provinsi, anapon Maluku jeung Papua mah henteu ngajukeun usulan.

Tah, sanggeusna seleksi administrasi ku Sekretariat WBTb, antarana niténan kalengkepan data nu ngarojong usulan, antukna aya 265 usulan nu saheulaanan diengkékeun, sarta 512 nu dituluykeun ka tahap sawala Tim Ahli WBTb Nasional dina Rapat Penilaian Usulan WBTb.

Baca Juga: Rhoma Irama jeung Cici Paramida Nungkulan Sidang Netepkeun Dangdut minangka Warisan Budaya Takbenda Indonesia

Laju, sabadana tilu kali Rapat Penilaian Usulan WBTb, ditetepkeun 215 usulan pikeun dipresentasikeun ku Pemda Pengusul dina sidang penetapan.

Dina Sidang Penetapan WBTb Indonesia, nu digelar 28 Agustus tepi ka 1 September 2023, di Jakarta, disawalakeun 215 usulan ti 31 provinsi. Provinsi Jambi mah usulanana diengkékeun heula alatan aya sababaraha data kalengkepan nu tacan cumpon.

Sidang Penetapan WBTb Indonesia Taun 2023 antukna ngahasilkeun 213 rekomendasi pikeun ditetepkeun minangka Warisan Budaya Takbenda Indonesia, kalawan aya dua usulan nu diengkékeun nyaéta ti Daerah Istimewa Yogyakarta jeung Aceh.

Baca Juga: Jadwal Yogaswara Sunandar Sunarya Giriharja 3 Putra Bulan September 2023