Network
GALURA – Warga ngaluuhan Parade Seni Budaya nu digelar Kolaborasi Pemuda Majalengka sarta Relawan Network for Ganjar Presiden (23/7/2023). Ieu acara keur ngagalang rojongan pikeun Ganjar Pranowo jadi calon presiden dina Pemilu 2024 nu bakal datang.
Jejer Parade Seni Budaya harita: Memperkuat Kebhinekaan. Dina eta kasempetan tokoh pemuda Maruarar Sirait nyoarakeun deui sumanget politik suci. Politik Itu Suci Membela yang Lemah dan Benar.
Parade Seni Budaya diluuhan, Ivan Sadik Ketua Alumni Universitas Parahyangan; Gembong Primadjaja Ketua Ikatan Alumni ITB; Panca Saktiadi Ketua Alumni Itenas, jeung Junico Siahaan nu oge anggota DPR RI Fraksi PDI Perjuangan.
Baca Juga: Program PTSL PM, BPN Majalengka Masrahkeun Sertifikat, Warga Mibanda Kapastian Hukum
Baca Juga: Mat Peci (3, tamat) Hasil Ngarampog Dibagikeun ka Warga nu Teu Mampu
Baca Juga: Mat Peci (2) Budak Nunggal, Kolot Beunghar, ku Naon jadi Rampog Gerot?
Baca Juga: Mat Peci (1) Keur Budakna Bageur, Taya Cawadeun, malah Masantren
Salian di Majalengka, kagiatan relawan Network for Ganjar President geus dilaksanakeun di Kabupaten Subang, Kota Bandung jeung Kota Bogor. Kagiatan sarupa bakal dilaksanakeun deui di sababaraha daerah di Jawa Bara.
Acara dina Parade Seni Budaya di antarana lomba senam massal jeung jalan. Dieuyeuban ku pintonan seni sampyong, kuda renggong, burok, pencak, jaipong, drumband, jeung sajabana.
Parade Seni Budaya dimangfaatkeun ku Usaha Mikro, Kecil, dan Menengah (UMKM) keur ngapromosikan produk-produkna.
Eta kagiatan diluuhan ku Bupati Majalengka H Karna Sobahi, Ketua DPD PDIP Jabar Ono Surono, Ketua Panitia Kirab Tati Purnawati.
Ketua DPD PDIP Jawa Barat meredih dua jeung restu masarakat Majalengka pikeun ngarojong bakal calon presiden RI Ganjar pranowo sangkan kapilih dina Pilpres 2024.
Ono pun teu poho paguneman jeung pamilon kirab oge dialog interaktif jeung rebuan pamilon tumanya sakaligus ngawanohkeun sosok Ganjar Pranowo sakaku capres nu dirojong PDIP.
“Pak Ganjar teh jalmina handap asor tur someah, anjeunna wantun dina hal bebeneran. Ti kulawargi biasa, kawilang pancasilais, minantuna saurang kyai kakoncara. Hayu urang dungakeun anjeunna pamugi kapilih oge neraskeun kapamimpinan presiden Jokowi nu kiwari lumangsung kalayan hade,” ceuk Ketua DPD PDI Perjuangan Jawa Barat.
Bupati Majalengka H Karna Sobahi reueus jeung ngaapresiasi kana eta acara eta nu kawilang sekses tur meunang partisipasi nu luar biasa ti masarakat.
Bupati Majalengka miharep ieu kagiatan lain ngan saukur hiburan wae, tapi oge bisa jadi momen penting keur ngaraketkeun duduluran antara warga, sarta ngipuk rasa cinta oge kareueus kana budaya tradisi lokal.
“Pamugi ieu acara janten pamecut sumanget kaguyuban urang dina ngawujudkeun Majalengka nu langkung majeng tur motekar,” ceuk Bupati Majalengka nu oge Ketua DPC PDI Perjuangan Majalengka.*** Ayank R Sambara
