Network
GALURA - Polres Majalengka, Polda Jawa Barat, sakumaha ditepikeun ku Satuan Reserse Narkoba (Satnarkoba) ngamusnahkeun barang bukti (BB) Narkotika golongan 1, jenis sabu jeung ganja di pakarangan Sat Rekrim Polres Majalengka, Salasa (18/7/2023).
Ngamusnahkeun barang bukti Narkotika di Polres Majalengka ku Satnarkoba dumasar surat ketetapan status barang sitaan Narkotika jeung surat perintah pemusnahan barang bukti. Barang bukti ditetepkan pikeun dimusnahkeun sagancangna ngan disesakeun pikeun bukti.
Dimusnahkeunana barang bukti Narkotika ku Kapolres Majalengka AKBP Indra Novianto, S.I.K.,M.Si., nu diwakilan ku Wakapolres Majalengka Kompol Bayu Purdantono, S.I.K,M.I.K., dibarengan ku Kasat Narkoba AKP Tatang Sunarya katut KBO Sat Res Narkoba Polres Majalengka IPTU Zenal Abidin.
Baca Juga: Mapag Taun Anyar 1445 Hijriyah, Bupati Bandung Ngabagikeun Boeh
Disaksikeun ku Jaksa ti Kejari Majalengka Arminto Putra P, S.H., M.H., Wakil Ketua Pengadilan Negeri Majalengka Ageng Priambodo, S.H., M.H, Kabid Pemberantasan Penyakit Dinas Kesehatan Majalengka Endang Triana, S.St., jeung ku tilu ulon-ulon nu ngedarkeun Narkoba, MS, DA jeung DAF.
Kapolres Majalengka AKBP Indra Novianto, S.I.K.,M.Si., ditepikeun Wakapolres Majalengka Kompol Bayu Purdantono, S.I.K,M.I.K., netelakeun, dimusnahkeunana barang bukti Narkotika keur ngabuktikeun transparansi penyidikan.
Barang bukti nu dimusnahkeun nyaeta Narkotika golongan 1 jenis sabu beuratna 8,02 gram, ganja beuratna 204,47 gram, disesakeun lobana 1 gram keur kapentingan pembuktian surat-surat ketetapan.
Dimusnahkeunana barang bukti dimimitian ku ditimbangna deui barang bukti, pengecekan barang bukti ku screen drugs (parobahan jadi kelir bungur dina cairan dijero pakakas screen).
