Network
GALURA -Kawasna ngungkulan narkoba teh hese pisan. Buktina wae Satuan Reserse Narkoba Polres Majalengka, Polda Jabar, dina tilu bulan triwulan kadua taun 2023 ayeuna ngungkab 9 kasus narkoba.
“Tina 9 kasus narkoba, sapuluh jalmi ulon-ulonna diamankan Polres Majalengka," ceuk Kapolres Majalengka AKBP Indra Novianto,S.I.K.,M.Si., ditepikeun Wakapolres Majalengka Kompol Bayu Purdantono, S.I.K.,M.I.K, Salasa (18/7/2023).
Kasusna ayeuna masih dina proses sidik di Polres Majalengka. Barang buktina Ganja, 285,82 gram; 38 paket sabu, 14,86 gram; obat keras, 4.189 siki.
Baca Juga: Muscab VII Pemuda Pancasila Kabupaten Majalengka, Ketua Umum MPN Pemuda Pancasila Ngarojong Anies
Tina 9 kasus bieu tilu kasus tindak pidana narkotika jenis ganja, tilu kasus tindak pidana narkotika jenis sabu, jeung; tilu kasus tindak pidana ngajual obat keras.
Ulon-ulon tindak pidana narkotika jenis sabu dijiret ku Pasal 114 ayat (1) Jo Pasal 112 ayat (1) UU RI Nomor 35 taun 2009 ngeunaan Narkotika dengan ancaman hukuman minimal 4 taun.
Ulon-ulon tindak pidana narkotika jenis ganja dijiret Pasal 114 ayat (1) Jo Pasal 111 ayat (1) UU RI Nomor 35 taun 2009 ngeunaan Narkotika kalayan ancaman hukuman minimal 4 taun.
Kompol Bayu cumeluk tur miharep sangkan masarakat nu nyaho kana tindak pidana narkoba sagancangna ngalaporkeun ka kapulisian.*** Ayank R Sambara
