Network
GALURA - Kapolres Majalengka, AKBP Indra Novianto, S.I.K, nu anyar keneh ngajabat jadi pupuhu pulisi di Bumi Sindangkasih, medalkeun Program Dinamis jeung 11 Program Prioritas.
Program Dinamis jeung 11 Program Prioritas didadarkeun ku Kapolres Majalengka AKBP Indra Novianto, S.I.K nu dibarengan ku Waka Polres Majalengka Kompol Bayu Purdantono S.I.K., M.I.K., ka sakumna Pejabat Utama, katut sakumna Perwira Polres Majalengka di Aula Sindangkasih Polres Majalengka, Jumaah (07/04/2023).
Udagan utama Program Dinamis jeung 11 Program Prioritas nu dimedalkeun kuKapolres Majalengka AKBP Indra Novianto teh sangkan pulisi, hususna di jajaran Polres Majalengka, leuwih deukeut jeung masarakat sarta bener-bener nangtayungan masarakat. Pulisi jadi gunung pananggeuhan nalika masarakat nyanghareupan pasualan.
Baca Juga: Welcome and Farewell Parade Ngabageakeun Kapolres Majalengka
Ceuk Kapolres Majalengka Program Dinamis teh Disiplin, Iman, Netralitas, Antisipatif, Moral, Integritas sareng Solutif," pokna. Progam Dinamis ngadeudeul atawa titincakan dina ngajalankeun 11 Program Prioritas.
Kapolres Majalengka nyebutkeun sakumna personel Polres Majalengka kudu “Disiplin”, disiplin dina ngalaksanakeun pancenna. "Iman, personel kedah gaduh kaimanan: percaya ka Tuhan Yang Mahaesa," pokna.
“Netralitas” maksudna dina nyanghareupan dinamika politik, personel Polres Majalengka diperedih netralm, henteu biluk ka hiji partey politik. “Antisipatif” hartina, personel kudu mibanda lengkah-lengkah pikeun ngungkulan gangguan kaamanan, boh nu bakal kajadian boh nu geus kajadian.
“Moral, hartosna satiap personel nu ngalaksanakeun tugas supados ngajungjung moral sareng etika nu hade etika nalika mayunan masarakat. Integritas, satiap personel kudu mibanda sikap jujur pikeun organisasi katut pingpinan ,”ceuk Kapolres Majalengka.
Baca Juga: Kapolres Majalengka Mingpin Langsung Sertijab Wakapolres jeung Kapolsek Palasah
