Network
GALURA -Pikeun leuwih raket jeung masarakat sarta keur kapentingan kamtibmas, Bhabinkamtibmas Polsek Banjaran Polres Majalengka Polda Jabar, Bripda Alfredo silaturahmi ka toko kelontong di desa binaan, Senen (03/04/2023).
Bhabinkamtibmas Polres Majalengka Bripda Alfredo Kennedy Yunior, nepikeun ngeunaan kamtibmas ka nu boga toko sangkan waspada ka konsumen nu daratang, laci kasir tetep dina kaayaan kakonci, teu neundeun barang-barang aya ajenna di antarana hp di luhur meja.
Bhabinkamtibmas Polres Majalengka ngelingan urang salawasna kudu iatna tur waspada dina milu ngajaga kamtibmas. “Upami aya sales nawiskeun barang kalayan harga nu langkung ti mirah kedah wasapad, margi kiwari seueur modus panipuan ku cara sapertos kitu," ceuk Alfredo.
Baca Juga: Bupati Majalengka Launcing PIN Polio, Targetna 85.298 Anak Umur 0 - 59 Bulan
Kapolres Majalengka, AKBP Edwin Affandi ditepikeun ku Kapolsek Banjaran, Iptu Aas Guntara, nyebutkeun anggota Bhabinkamtibmas dina ngalaksanakeun tugas dipiharep bisa mere rasa aman tur merenah ka masarakat.
Hal ieu pikeun ngawujudkeun stabilitas kaamanan nu tetep kondusif di wilayah desa binaanna. "Kagiatan masarakat nu ngaronjat salami sasih Ramadhan, tangtosna kedah dijaga supados kamtibmas henteu kaganggu," ceuk Kapolsek Banjaran.
Deukeut ka lebaran kriminalitas bakal ngaronjat. “Bhabinkamtibmas Polsek Banjaran, kedah terus cumeluk ka masarakat kangge nyinglar tur ngantisipasi kajantenan curat, curas, curanmor,’’ ceuk Iptu Aas Guntara. *** Ayank R Sambara
