GALURA - Bupati Majalengka Dr. H. Karna Sobahi, M.MPd ngalauncing program Pekan Imunisasi Nasional (PIN) Polio sakaligus upacara Apel Senin di lapangan Setda Majalengka, Senen ( 03/04/2023 ).
Bupati Majalengka nyebutkeun dina PIN Polio, budak umur 0-59 taun dibere dua keclak vaksin Polio. Dipiharep bakal ngaronjatkeun imun barudak tepi ka teu kaserang kasakit polio.
"PIN Polio dina raraga nyinglar sumebarna virus Polio di Indonesia. Purwakarta tos ditetepkeun KLB (Kejadian Luar Biasa) aya hiji kasus polio. Ku kituna dinten ieu launcing PIN Polio," ceuk Bupati Majalengka.
Bupati meredih ka sakumna steakholder nu utama sakumna camat jeung puskesmas sangkan ngelingan ibu-ibu nu boga anak umur 0 - 59 bulan ngavaksin budakna.
Dina eta kasempatan eta Bupati Majalengka dibatengan Ketua Tim Penggerak PKK ngaimunisasi polio ka anak umur 0 -59 bulan. Disaksikeun Wakil Bupati, Sekertaris Daerah (Sekda ) katut Kadinkes.
Kepala Dinas Kesehatan Kabjupaten Majalengka H. Agus Susanto, netelakeun PIN Polio tujuanana pikeun ngarojong ngungkulan polio di Kabupaten Majalengka. Ieu tarekah dumasar surat Kementerian Kesehatan RI ngeunaan crash program dina raraga nyinglarna virus polio.
“Di sababaraha wilayah di nagara urang tos ditetepkeun KLB. Dinkes Majalengka satekah polah ngungkulan sangkan virus Polio henteu nerekab, dikawitan launching PIN Polio," ceuk Kadinkes.
Baca Juga: Numuwuhkeun Sarasa Anggota Polri, Kapolres Majalengka Besuk Kasat Intelkam di RSUD Majalengka
Sasaran PIN Polio ka 85.298 anak nu sumebar di 1.502 posyandu nu aya di 343 desa di 26 kecamatan 95 %. “Dilaksanakeunana dibagi dua tahap,” pokna.
Tahap kahiji tanggal 03 April - 09 April 2023. Tahap kadua 15 Mei - 21 Mei 2023. “Targetna 95% budak 0-59 bulan divaksin Polio," ceuk H. Agus.*** Ayank R Sambara