Network
GALURA - Anggota Bhabinkamtibmas Polsek Banjaran, Polres Majalengka, Polda Jabar, Bripda Alfredo Kennedy Yunior, masrahkeun bantuan sosial ka sakumna anak yatim piatu di Panti Yauma nu aya di Jalan Suha Kacamatan Majalengka, Kabupaten Majalengka, Salasa (21/03/2023).
"Pamugi ieu bantosan mangpaat kanggo murangkalih," ceuk Bhabinkamtibmas Bripda Alfredo Kennedy Yunior basa masrahkeun bantuan sosial kayaning baju, calana, topi jeung sapatu ka anak yatim piatu di Panti Yauma.
Sakumna anak yatim piatu di Panti Yauma ngahaturnuhunkeun ka Bhabinkamtibmas nu geus masrahkeun bantuan bantuan sosial ti Bhabinkamtibmas Bripda Alfredo Kennedy Yunior "Pamugi Bapa dipaparinan rejeki nu seueur ti Allah SWT," ceuk anak yatim piatu teh.
Baca Juga: Perang Sarung nu Tadina Kalangenan dina bulan Ramadhan Robah Jadi Kriminal
Kapolres Majalengka, AKBP Edwin Affandi ditepikeun ku Kapolsek Banjaran, IPTU Aas Guntara, miharep bantuan nu geus dipasrahkeun ka sakumna anak yatim piatu di Panti Yauma aya mangpaatna.
"Apresiasi kalintang hade kangge anggota Bhabinkamtibmas Bripda Alfredo Kennedy Yunior nu parantos masihan bantosan sosial ka sakumna murangkalih di Panti Yauma," ceuk Kapolsek Banjaran.*** Ayank R Sambara
