Network
GALURA – Serah Terima Jabatan (Sertijab) Kepala Kantor ATR BPN Kabupaten Majalengka ti Ikram Abdul Haris, S.SiT.,M.M., ka Wendi Ismawan, A.Ptnh.,M,H, lumangsung Senen (20/03/2o23) di Kantor ATR BPN Kabupaten Majalengka. Kepala anyar diperedih ngungkulan kasus pertanahan.
Anu ngaluuhan Sertijab Kepala Kantor ATR BPN Kabupaten Majalengka di antarana Bupati Majalengka, Kapolres Majalengka, Kakanwil Kalimantan Barat jeung Muspika Majalengka. Bupati Majalengka ngelingan ka kepala anyar Kantor ATR BPN Kabupaten Majalengka ngeunaan kasus pertanahan di Kabupaten Majalengka nu kawilang loba pisan.
“Seueur tangtangan (kasus pertanahan) di Majalengka nu aya patalina sareng sareng pemetaan tanah,” ceuk Bupati Karna Sobahi waktu biantara dina Sertijab Kepala Kantor ATR BPN Kabupaten Majalengka sakalian masrahkeun tali asih ka kepala heubeul Kantor ATR BPN Kabupaten Majalengka, Ikram Abdul Haris, S.SiT.,M.M.
Baca Juga: Bhabinkamtibmas Polsek Banjaran Majalengka Masrahkeun Bansos ka Anak Yatim Piatu di Panti Yauma
Nyurahan kana pangelingan Bupati Majalengka, kepala anyar Kantor ATR BPN Kabupaten Majalengka, Wendi Ismawan, A.Ptnh.,M,H, miharep arahan ti Bupati Majalengka jeung rengrengan Forkopimda Majalengka.
“Tangtos peryogi disamikeun visi sareng misi kangge kamajengan tur kamajuan sareng kamaslahatan masarakat Kabupaten Majalengka," ceuk Wendi.
Kapolres Majalengka AKBP Edwin Affandi nyebutkeun pihakna miharep supaya aya sinergitas jeung gawe bareng dina tarekah ngaraharjakeun masarakat, babakuna dina hal pertanahan di Kabupaten Majalengka.*** Ayank R Sambara
