Network
GALURA-PT Pertamina (Persero) ngaliwatan Regional Jawa Bagian Barat, ngayakeun latihan jeung simulasi ngungkulan kaayaan darurat, di Stasiun Pengangkutan dan Pengisian Bulk Elpiji (SPPBE) PT Adelya Permata, Jalan Gunungkeling Cigugur, Kabupaten Kuningan, Senin, (27/2/2023).
Sales Area Retail Cirebon PT Pertamina Patra Niaga Regional Jawa Bagian Barat, Rainier Axel Gultom, nyebutkeun eta pikeun ngungkulan potensi bahaya anu henteu dipiharep.
Ceuk Rainer, pihakna ngasah kamampuh karyawan SPPBE, sangkan sayaga saupama dina hiji mangsa nyanghareupan karerepet di luar teknis.
Sajaba ti eta, tarekah pikeun mere pangaweruh, ngasah kasayagaan sangkan mampuh leuwih gancang dina ngungkulan pasualan anu henteu dipiharep tea.
Dina eta simulasi ngalibetkeun tim SPPBE fungsi Health, Safety, Security, and Environment (HSSE), patugas pemadam kebakaran (Damkar), pihak rumah sakit jeung kapulisian.
"Ngaliwatan latihan sareng simulasi, diharepkeun sadaya padamel tiasa ngungkulan kaayaan darurat," ceuk Rainier. ***
