Network
GALURA – Pabrik tahu Cibuntu jadi bagean tina kamekaran Kota Bandung minangka kota nu euyeub ku rupaning jenis kuliner.
Tah, salasahiji tempat nu geus ti bareto kawentar jadi sentra produksi tahu teh nyaeta Cibuntu, tepi ayeuna nelah tahu cibuntu.
Cibuntu ayana di Kalurahan Warung Muncang, Kacamatan Bandung Kulon, Kota Bandung, tur katelah Blok Tahu.
Baca Juga: Persib Nyiapkeun 22 Pamaen pikeun Nyanghareupan Bali United di Maguwoharjo, Ieu Berendelanana
Di eta Blok Tahu aya kira 60 tempat usaha tahu, boh tahu nu koneng boh tahu nu bodas.
Tahu ti Cibuntu kajojo ku sabab ajenna, jeung deuih rasana ge spesial.
Maranehanana nu ancrub kana industri tahu di Cibuntu teh geus ngalalakon ti taun 1960-an.
Aya nu geus belasan taun, aya nu geus ngawaris ka generasi katilu, nuluykeun ketak karuhunna, salasaurangna nyaeta Koko.
Ceuk manehna, tahu Cibuntu populer teh alatan ajen produksina, ku kituna rasana ge spesial. Meh unggal poe manehna ngolah kira salapan ton kedele.
“Kuring geus belasan taun mroduksi tahu di dieu, minangka generasi katilu. Tahu Cibuntu henteu bau, tur rasana gurih alami. Kitu deui ajen caina ge murni tina sumur, cai nu hade. Tahu di dieu make pangawet alami bangsaning koneng,” pok Koko.
Najan nu mroduksi tahu teh beuki ngalobaan, tahu Cibuntu tetep kajojo tepi kiwari.
