Network
GALURA – Relaksasi pajeg samemeh lumakuna dihapusna data kendaraan salasahijina ku cara bebas bea pajeg balik nama.
Samemeh lumakuna aturan dihapusna data kendaraan, program relaksasi pajeg kendaraan tetep lumangsung.
Program relaksasi pajeg kendaraan teh minangka pangrojong kana samemeh lumakuna dihapusna data kendaraan nu teu registrasi ulang 2 taun.
Data kendaraan bakal dihapus tina database Polri, mun 2 taun teu registrasi ulang diitung tina beakna waktu lumakuna STNK.
Najan kitu, samemeh aya kacindekan kitu-kieuna, program relaksasi pajeg kendaraan tetep dijalankeun.
Kitu ceuk Kepala Badan Pendapatan Daerah (Bapenda) Provinsi Jawa Barat, Dedi Taufik, waktu acara Focus Group Discussion (FGD) bareng jeung Tim Pembina Samsat Wilayah Jawa, di Kantor Jasa Raharja, Jalan Rasuna Said, Jakarta, anyar-anyar ieu.
Baca Juga: Desa Sirnajaya Rajadesa Ciamis, Mekarkeun Wisata Religi Samida, Tapi Musola wae Teu Dibangun
“Tina salasahiji rekomendasi FGD teh baris aya lajuning lakuna, nyaeta neuleuman sual prak-prakan kawijakan dihapusna data kendaraan katut rengkol ngaitna jeung relaksasi BBN II tur Pajak Progresif,” pokna.
Satuluyna Dedi Taufik ngeceskeun, neuleuman leuwih jero eta kawijakan teh kalintang pentingna geusan ngaronjatkeun kasadaran masarakat pikeun mayar pajeg.
