Putri Anjungsari (22), Reureuh di Imah Anak Prajurit Pajajaran nu geus Ganti Ageman

- 9 Februari 2023, 05:30 WIB
/

GEUS  kitu, bari angger nagog, Putri Anjungsari ngalaan bajuna, disampaykeun kana pipinding tampian. Awakna nu pakulitanana konéng umyang téh dideukeutkeun kana pancuran.

Putri Anjungsari rada lila mandina téh, ngusey, malah mah kuramas sagala. Réngsé mandi, jeung geus disalin, Putri Anjungsari ngageroan Ranah nu keur nangtung nukangeun teu jauh ti tampian.

Ranah muka endongna, nyokot cepuk leutik sarta nyampeurkeun Putri Anjungsari. Dampal leungeun Putri Anjungsari tepi ka siku jeung dampal suku Putri Anjungsari tepi ka tuur dibaluran.

Kitu deui pipi, tarang, tenggek, dada, jeung ceuli Putri Anjungsari. Dina waktu teu lila kulit anu dibaluran téh robah, kacirina henteu konéng umyang, tapi semu hawuk, ngan mun dirampa mah bakal angger lemes.

Bérés dibaluran, Putri Anjungsari hanjat, sarta nangtung teu jauh ti tampian. Ranah mandina henteu jongjon lantaran kudu nalingakeun Putri Anjungsari, meusmeus-meusmeus ngarérét Putri Anjungsari nu katempo angger waspada, malah patrémna ogé dicecekel kénéh, tacan diselapkeun kana gelungna.

Ranah mandina henteu lila, padu baseuh sigana téh, najan sempet kénéh dikasay jeung ngosok huntu.

Réngsé mandi, duanana ka tempat diuk tadi. Béna keur nangtung teu jauh ti saung balong. Ari Hasan mah henteu katempo. Ngan teu lila bijil ti saung balong.

Béna ngarérét ka lebah kuda. Barang nempo Putri Anjungsari jeung Ranah geus dariuk deui dina urutna, Béna nyampeurkeun dituturkeun ku Hasan.

“Hayu atuh, bisi peuting teuing,” ceuk Hasan.

Halaman:

Editor: Nanang Supriatna


Tags

Artikel Pilihan

Terkait

Terkini

Terpopuler

Kabar Daerah

x