Network
GALURA - Gelaring deteksi dini nyegah kanker leher rahim jeung kanker payudara ku IVA (Inspeksi Visual dengan Asam Asetat) Test tur Sadanis (Periksa Payudara Klinis) di Kota Cimahi teh lumangsung Salasa, 7 Februari 2023.
Eta kagiatan pikeun nyegah ti anggalna kanker leher rahim jeung kanker payudara ku cara IVA test tur Sadanis digelar di PT San San Saudara Tex Jaya.
Dumasar data rumah sakit di Kota Cimahi taun 2015-2020, jumlah nu katarajang kanker payudara aya 672 urang, tur nu keuna kanker leher rahim aya 140 urang.
Baca Juga: Jajang Saepudin, Anggota Polisi nu Sok Ngali Liang Kubur Dileler Pangajen
Sedengkeun nu geus dipariksa deteksi dini kanker leher rahim jeung kanker payudara ku cara IVA Test tur Sadanis jero taun 2020-2022 nyaeta 7.637 urang kalawan 7 urang nu positif.
Ku kituna, lian ti eta kagiatan gelaring, Dinas Kesehatan Kota Cimahi ge ngalaksanakeun panglayan deteksi dini kanker leher rahim jeung kanker payudara ku cara IVA Test katut Sadanis pikeun 15 kalurahan sa-Kota Cimahi.
Eta panglayan dilaksanakeun poe Rebo-Salasa ti tanggal 1 tepi ka 28 Februari 2023 di sakabeh Puskesmas di Kota Cimahi.
Baca Juga: Persib Update, Hayang Ngelehkeun Bali United di Maguwoharjo, Daisuke Sato : Kudu Fokus
Gerakan nyegah jeung deteksi dini eta kanker dilaksanakeun salila 5 taun di sakumna wilayah Indonesia diwengku promotif, preventif, deteksi dini, sarta lajuning lakuna.
Dipiharep, ngaronjatkeun kasadaran masarakat tur leuwih miduli geusan ngadalikeun faktor resiko kanker jeung deteksi dini kanker sangkan ngurangan jumlah nu katarajang katut nu tilar dunya.
Anapon di Kota Cimahi, lian ti ngaronjatkeun kasadaran masarakat geusan miduli ngadalikeun kanker leher rahim jeung kanker paudara ku cara IVA Test jeung Sadanis, oge ngaronjatkeun kawaspadaan ku ngalarapkeun pola hirup sehat (CERDIK).
Baca Juga: MGMP Basa Indonesia Ngaronjatkeun Mutu Pembelajaran
Program nyegah jeung ngungkulan kanker leher rahim katut kanker payudara di Kota Cimahi teh dilakonan sagemblengna ngawengku primer, sekunder, sarta tersier kalawan notog kana usaha makihikeun masarakat tur ngaping nu katarajang tepi ka fase terminal.
Dina panglayan deteksi dini kanker leher rahim jeung kanker payudara ku cara IVA Test sarta Sadanis teh nu jadi sasaran nyaeta awewe usia subur 30-50 taun nu geus nikah di 15 kalurahan sa-Kota Cimahi, kalawan 100 urang di sakur kalurahan.
Ku ayana kagiatan deteksi dini kanker leher rahim jeung kanker payudara ku cara IVA Test sarta Sadanis di Kota Cimahi, dipiharep usaha nyegah katut ngungkulan kanker teh bisa pas kana sasaran kalawan strategi nu luyu jeung standar. ***
