Network
GALURA -Provinsi Jawa Barat di nagara urang panglobana dina soal waduk atawa bendungan. Di Provinsi Jawa aya lima waduk nu baradag jeung kaasup stratgis keur Nasional.
Di Provinsi Jawa Barat nu pangheulana dibangun teh Waduk Darma di Kuningan mimiti dibangun taun 1965, ngan rengsena taun 1972. Kadua Waduk Jatiluhur di Kabupaten Purwakarta, taun 1967).
Waduk nu katilu di Provinsi Jawa Barat Waduk Saguling (1986); kaopat Waduk Cirata (1988), jeung; kalima Waduk Jatigede di Sumdang nu mimiti dicaian taun 2015.
Baca Juga: Totonden ti Gunung Dukuh, Cinyusu Saat Nagara Bakal Riweuh
Naha di Provinsi Jawa Barat loba wadukna? Wewengkon Provinsi Jawa Barat diwengku ku gunung jeung pasir nu parentul sarta walunganana kawilang loba.
Kementerian Pekerjaan Umum dan Perumahan Rakyat (PUPR) ngarencanakeun ngawangun deui waduk sejenna di Provinsi Jawa Barat.
Dumasar rarancang mah di Provinsi Jawa Barat bakal lahir deui tujuh waduk anyar.
Waduk nu rek dibangun teh Waduk Kuningan, di Kabupaten Kuningan (221.59 hektar); Waduk Cipanas pernahna di tapel wates Kabupaten Sumedang jeung Indramayu (1.444 hektar).
Baca Juga: Kaayaan Nagara ti Leuweung Dukuh Desa Jagabaya, Aman?
Waduk Leuwi Keris, di Ciamis, caina ngeueum wewengkon nu asup ka Kabupaten Tasikmalaya jeung Kabupaten Ciamis (242.9 hektar).
Waduk Matenggeng, di tapel wates Kecamatan Tambaksari Kabupaten Ciamis jeung Kecamatan Dayeuhluhur, Kabupaten Cilacap, Jawa Tengah;
Waduk Sukamahi di Kabupaten Bogor (49.6 hektar), jeung Waduk Ciawi di Kabupaten Bogor (39.3 hektar). Tambah hiji deui di Kecamatan Jatinunggal, Kabupaten Sumedang.
Bendungan atawa waduk bieu tangtu wae udaganana keur irigasi, keur nyaian lahan tatanen. Waduk Sukamahi jeung Ciawi mangpaatna lianna keur ngadalian banjir, keur nampung cai mun keur usum hujan.
Baca Juga: Lauk Betrik jeung Tutut Oleh-Oleh Caah Ci Keruh
Hanjakalna dibangunna ieu bendungan teu dibarengan ku ngomean daerah aliran sungai (DAS), kaasup leuweungna.
Waduk Jatigede oge usum halodo orot pisan. Ruruntuk atawa urut-urut bangunan tarembong deui.
Kitu deui makam atawa patilasan nu gede patalina jeung batin urang Darmaraja jeung Sumedang nu kakeueum cai Waduk Jatigede dina usum halodo mah katembong deui. ***
