Cirebon nu sacara militér dibantuan ku Demak, masih merelukeun bantuan ti prajurit Kuningan. Di antarana waé, dipénta bantuan waktu ngarebut kota palabuan Sunda Kalapa jeung waktu ngabumihanguskeun Karaton pakuan- Padjadjaran. Malah mah prajurit ti Kuningan kungsi milu perang di Demak.
Sabada Karajaan Sunda runtag, prajurit Kuningan angger latihan ngalempagkeun tumbak. Latihanana teu unggal poé, tapi saminggu sakali, unggal poé Saptu. Diayakeunana di alun-alun. Ku sabab latihanana unggal poé Saptu katelah wé ku sapton, bisa jadi robahan tina Saptuan, teu béda jeung Minggon tina Mingguan.***