GALURA.CO.ID -Dina buku The Power of Prophecy: Prince Dipanagara and the End of an Old Order in Java jilid ka-3 bagean Appendix, Prof. Peter Carey, ngabarendelkeun barang pusaka milik Pangeran Diponegoro, boh tumbak boh keris. Teu beda jeung umumna keris pusaka, keris nu dipimilik ku Pangeran Diponegoro boga ngaran sewang-sewangan.
Keris milik Pangeran Diponegoro di antarana: Bondoyudho, Bondoyudho (tina keris Abijoyo nu dilebur jeung ruruhit panah Sarutomo katut tumbak Barutubo), Wisa Bintulu, Wresa Gumilar, warisan ti Sultan HB III), Rondhan, Hatim, jeung KK Blabar.
Ceuk sakaol, Pangeran Diponegoro oge mibanda keris Naga Siluman. Ngan dina Babad Diponegoro nu kandelna 1100 kaca (halaman) keris Naga Siluman henteu disebut-sebut.
Baca Juga: Barendelan Lululuhur Ciamis jeung Tasikmalaya, Luluhur Satempat jeung Satingkat Raja Wilayah
Naga Siluman oge henteu disebut-sebut dina naskah meunang nyieun Kolonial Walanda nu dibagikeun ka ahli waris Pangeran Diponegoro sanggeus Pangeran Diponegoro ditahan ku Walanda.
Dina laporanana ka Komisari Du Bus jeung ka Gubernur Jendral Van de Bosh, katut ka Raja Willem, Jenderal De Kock oge teu kunggsi nyebut keris Naga Siluman.
Ngaran keris Naga Siluman, kapanggih dina catetan Ali Basah Sentot Prawirodirjo. Sentot nyebutkeun kungsi ningali Pangeran Diponegoro masrahkan Kiyai Naga Siluman ka Kolonel Jan Baptiste Cleerens.
Dina sejarah Kolonel Jan Baptiste Cleerens nu mokalan gempungan Walanda jeung Pangeran Diponegoro di Magelang. Ngan Walanda hianat, Pangeran Diponegoro ditahan.
Baca Juga: Luluhur Sunda di Wewengkon Limbangan Garut, Jumlahna Ngaratus
Sataun sabada Perang Pangeran Diponegoro lekasan keris Kiayi Naga Siluman dihadiahkeun ka Raja Willem I. Ti taun 1831 keris Kiayi Naga Siluman, jadi koleksi di Koninklijk Kabinet van Zaldzaamheden (KKZ) atawa Kabinet Kerajaan keur Barang Antik di Den Haag.
Mun urang leukeun maca Babad Dipanegoro, dipasrahkeunana keris Kiayi Naga Siluman ka Cleerens, lain tanda Pangaren Diponegoro taluk, tapi tanda iktikad hade. Babadammian samemeh gempung di Magelang henteu tembong dina suasana perang malah mah direumbeuy ku guyonan.
Pangeran Diponegoro dibagaekeun kalayan hade ku Walanda. Waktu rek ka Magelang, unggal ngaliwatan benteng Walanda, Pangeran Diponegoro dibagekeun ku tembakan salvo. Pangeran Diponegoro nyarita ka Walanda nu marenganana kungsi nyarita teu perlu dirina dibageakeun ku tembakan salvo.
“Teu perlu. Pan salila perang geus leuwih ti 100.000 pelor ku arandika ditembakeun ka kula,” ceuk Pangeran Diponegoro ka Kolonial Cleerens. Pangeran Diponegoro malah nganggap[ Cleerens adina.
Baca Juga: Karajaan Banten Sabada Pajajaran Burak, Karaton Surosowan Diancurkeun ku Daendels
Tina kituna Naga Siluman nu ceuk Sentot dibikeun ka Kolonial Clreerens lain tanda taluk. Ngan waktu dihadiahkeun ka Raja Willem I disebutkeun eta keris teh tanda talukna Pangeran Diponegoro.
Disebutkeunana keris Naga Siluman tanda taluk Pangeran Diponegoro, ngandung harti Kolonel Cleerens hianat ka Pangeran Diponegoro dua kali. Cleerens memeh gempungan jangji, mun kasapukan jeung De Kock gagal, Pangeran Diponegoro dijamin mulang deui ka Bagelen kulon dina kaayaan teu cecel bocel.
Buktina kumaha? Kasupakan gagal, Pangeran Diponegoro ditahan. Hianat nu kadua, Kolonel Cleerens ka Raja Willem I nyebutkeun keris Naga Silumaan teh tanda talukna Pangeran Diponegoro, padahal saenyana mah kitu. Eta ka raja geura wani ngabohong.***