Network
GALURA - Mun pareng ka Bogor, boh urusan gawe sumawonna wisata, piknik healing, poma ulah teu laha-loho ka pusat jajanan atawa kuliner.
Lebar mun henteu ulin ka tempat kuliner teh.
Enya, sabab di Bogor nu katelah Kota Hujan, rea pisan kuliner. Meh di unggal di tempat nyampak.
Baca Juga: Tilu Wisata Kuliner Nu Merenah Dijugjug Mun ka Bogor, No 2 'Hidden Gems Sate & Sop Kambing'
Pusat jajanan atawa kuliner di Bogor teh, aya nu mahal, sedeng, aya oge nu haregana murah luyu jeung pesak tapi rasana tetep matak deudeuieun.
Dua antarana, dicatet dina artikel ieu; jeung direkomendasikeun pikeun dijugjug mun pareng ka Bogor.
1. Iga Bakar Lokalaku
Dadasar di Jalan Pajajaran Indah V Bogor, ieu iga bakar teh beda ti nu sejen.
Baca Juga: Sunan Margataka Prajurit Pinilih Pajajaran Jadi Santri di Gunung Jati Cirebon
Mun di tempat sejen, igana dibakar atawa dibeuleum cara dina pameuleuman sate. Di dieu mah beda. Dibeuleumna dina coet atawa cobek.
Daging igana hipu lain bobohongan. Cek nu bohong mah, nu ompong ge bisa nyapek daging igana (da make huntu palsu, hehe) awhing ku hipu.
Mingkin geunah rasana, sabab diwuwuh ku bungbu spesial nu dirahasiakeun.
Baca Juga: Gedong Bioskop Pasifik jeung Genjlong Pulitik di Sumedang, Sajarah Heubeul Kota Tahu
Kaharti kituna mah. Sabag daging igana dibeuleum disakaliguskeun jeung bungbu rempah cara cabe, bawang, jeung rea-rea deui, terus dibaluran ku saos spesial tea.
Pokona mah, cenah. "tasty" jeung "smokey" we.
Haregna saporsi memang rada mahal, leuwih to 35 rebuna. Tapi teu panasaran, sabab rasana memang "tasty" jeung "smokey".
Baca Juga: Matak Reueus, Payung Geulis Tasikmalaya Jadi Pamilon Hiji Festival di Thailand, Ngawakilan Indonesia
2. Baso Naga
Nurutkeun katerangan, ieu baso teh kaasup legend di Bogor. Pangna kitu, sabab basona geus aya di tahun taun 90-an keneh.
Tempat dagangna teu pindah-pindah. Ti baheula nepi ka kiwari tetep di hareupeun Naga Swalayan --nu matak dilandih baso Naga.
Baca Juga: Sunan Margataka Prajurit Pinilih Pajajaran Jadi Santri di Gunung Jati Cirebon
Bedana, mun baheula didagangkeunna dina gorobag, ayeuna mah dina jongko husus.
Onjoyna ieu baso, cenah, basona padet tapi pas dicapek mah hiup, kuahna "gurih" matak deudeuieun.
Ari hargana kawilang mulang, kira 15 rebuan.
Baca Juga: H. Uya Mulyana: Anggota Dewan Ngawadahan Aspirasi Warga Ulah Kapahung ku Widang Komisi
Nya meureun ku lantaran murah tea, ieu baso kajojo jeung viral teh. ***
