Network
GALURA-Saban jalma miboga kahayang hirup sukses. Upamana wae sukes dina widang usaha pikeun nyubadanan kahirupan, sukses ngahontal pendidikan luhur jeung sajabana.
Tapi kituna teh henteu gampang, ku sabab dina ngawujudkeun hirup sukses teh butuh tarekah jeung cara anu kudu dilakonan ngaliwatan proses ngahontal udagan.
Eta kamandang ditembrakeun ku Hanyen Tenggono, salah saurang pangusaha sukses di Kuningan, basa ngobrol jeung sababaraha urang wartawan, hususna pangurus Persatuan Wartawan Indonesia (PWI) Kuningan, di Hotel The Icon, sabudeureun Desa Cisantana, Kabupaten Kuningan, Poe Jumaah, 10 November 2023.
Baca Juga: Rea Tangkal Anu Runtuh, Angin Lilimbungan Narajang Daerah Tapel Wates Kuningan-Cirebon
Ceuk Hanyen, dina ngahontal hirup sukses teh gumantung kana dirina sewang sewangan. Hartina butuh tarekah jeung cara sewang-sewangan.
Cara sukses, ceuk Hanyen, utamana mah tangtu didadasaran ku kahayang, sumanget anu ngagedur dina ngahontal harepan.
Manehna nyontokeun, kawas wartawan dina nulis jeung midangkeun warta miboga cara sewang-sewangan.
Baca Juga: Ngungkulan Tangkal Anu Runtuh, Ti Mimiti Sore Nepika Wanci Nyedek Tengah Peuting
Teu padu nulis, tapi dibarung ku seni nulis. Rupa-rupa seni nulis dilakonan ku wartawan, dina nyumponan anu dikpikahayang ku anu maca
Ku sabab kitu, dina mekarkeun kreasi nulis kacida dibutuhkeun ku saurang wartawan dina nembrakun ideu tulisan sangkan henteu sarua sakumaha anu ditulis ku wartawan sejen.
