Network
Putri Anjungsari, Bena, jeung Rait sajongjongan ngahuleng. Bena nangtung. Suba oge nurutan nangtung.
“Ari ayeuna kumaha pilakueun?” ceuk Bena.
“Arek balik deui ka Sumedanglarang. Jauh ti dieu?”
“Jauh. Lalakon dua poe.”
“Kumaha atuh,” ceuk Suba siga nu bingung.
“Sambat deui atuh maungna,” ceuk Rait mairan bari seuri.
Suba ngareret ka Rait.
“Arek sugan wae bisa,” pokna.
Suba leumpang rada ngajauhan. Laju nangtung nyanghareupan rungkun. Biwirna kunyam-kunyem. Tapi taya nanaon. Suba gagaro. Kunyam-kunyem deui. Gorobos tina rungkun saliara. Suba ngaranjug. Kitu deui Putri Anjungsari, Bena jeung Rait.
Geleber tina rungkun kalong badag, ngagayabag hiber muru dahan kai nu luhur. Suba gagaro deui. Kunyam-kunyem deui. Taya nu datang.
