Network
“Kateuing,” ceuk Suba bari luak-lieuk.
“Ari Aki Jaya teh saha?”
“Ti Cikupa. Teu pati jauh ti Kawali. Bogaeun padepokan. Uing karek tepung basa rek mangkat… Keur ngorana Aki Jaya kungsi cicing di Jampang.”
Putri Anjungsari, Bena, jeung Rait barang ngadenge Suba nyebut Aki Jaya kungsi di Jampang rada ngajenghok.
“Ke, ari nu ka Sumedanglarang saha wae?” ceuk Bena.
“Uing, Aki Jaya, Atus, Asmita, jeung Gingin,” tembal Suba.
“Urang Kawali kabeh?”
“Ti Kawali mah uing jeung Atus. Asmita ti Panjalu, Gingin ti Dayeuhluhur.”
“Rek naeun ka Sumedanglarangna?”
“Kateuing. Aki Jaya teu bebeja.”
