GALURA.CO.ID -Pamarèntah Kabupaten Bandung dileler pangajèn tingkat nasional ti Kementerian Kesehatan Republik Indonesia di Jakarta, Kemis, 14 Marer 2024.
Pangajèn ditarima ku Dinas Kesehatan Kabupaten Bandung. "Alhamdulillah, Dinas Kesehatan Kabupaten Bandung dileler dua pangajèn sakaligus ti Kementerian Kesehatan RI," ceuk Bupati Bandung Dadang Supriatna, Saptu, 16 Maret 2024..
Bupati Dadang nètèlakeun, ieu dua pangajèn pedah kahontalna indikatorr pemetaan resiko penyakit infeksi emerging (infem) jeung dokumentasi rekomendasi tahun 2023
Baca Juga: Audensi PWI Dinkes Kabupaten Bandung Nyawalakeun Ngararancang Rukun Gawè
Pangajèn sèjènna lantaran Kabupaten Bandung mampu ngahontal target non-polio AFP (NPAFP) rate >3 per 100.000 penduduk <15 taun jeung discarded (bukan campak bukan rubela) rate >2 per 100.000 penduduk dina taun 2023.
Ku pangajèn ieu, Kabupaten Bandung ditegeskeun geus bisa metakeun sorangan potensi risiko kana panyakit infem jeung bisa nyusun rencana cegah singlarna.
Iwal ti kitu, Kabupaten Bandung ogè dianggap aktif dina ngalakukeun panitènan kana ayana kasus polio, sabab pangajèn kasebut dileler mun seug hiji daerah geus mampuh mhalakukeu panutenan ku targèt target non-polio AFP rate >3 per 100.000 urang.
Hasilna, teu nimu ayana kasus polio di Kabupaten Bandung.
Hasil pameunteun pametaan risiko bisa dijadikan perencanaan pengembangan program pangungkulan jeung pangadalian panyakit infem.